Vijay Spoke to Kerala Fans in Malayalam : கேரள ரசிகர்களிடம் மலையாளத்தில் பேசிய விஜய்

திருவனந்தபுரத்தில் கோட் படப்பிடிப்பு தளத்தில் நடிகர் விஜய் ரசிகர்களை சந்தித்தார். அப்போது, ரசிகர்களுடன் பேச விரும்பி, மைக்கை எடுத்துக்கொண்டு பஸ் மீது ஏறி ரசிகர்களிடம் மலையாளத்தில் (Vijay Spoke to Kerala Fans in Malayalam) பேசினார்.   வெங்கட் பிரபு இயக்கத்தில் விஜய் நடிக்கும் ‘தி கோட்’ படத்தின் அடுத்த கட்ட படப்பிடிப்பு தற்போது கேரளாவில் நடைபெற்று வருகிறது. இதற்காக சில நாட்களுக்கு முன்பு நடிகர் விஜய் திருவனந்தபுரம் விமான நிலையத்தில் இறங்கிய போது, ​மலையாள ரசிகர்கள் விஜய்யின் கார் சேதமடையும் அளவிற்கு அன்பை வெளிப்படுத்தியதை பார்த்து பலரும் அதிர்ச்சி அடைந்தனர்.

மஞ்சுமல் பாய்ஸ் படத்தை கேரள ரசிகர்களுக்கு இணையாக தமிழ் சினிமா ரசிகர்கள் போட்டி போட்டு படத்தை பார்த்தது போல், தற்போது நடிகர் விஜய்க்கு அவர் தங்கியிருக்கும் ஹோட்டலிலும், படப்பிடிப்பு நடக்கும் இடங்களிலும் தினமும் பெரும் கூட்டம் கூடுகிறது. வெங்கட் பிரபு இயக்கத்தில் விஜய், பிரபுதேவா, பிரசாந்த், மீனாட்சி சவுத்ரி, த்ரிஷா, சினேகா, லைலா, ஜெயராம், பிரேம்ஜி அமரன், மோகன், அஜ்மல் மற்றும் பலர் நடித்துள்ளனர். இது டைம் ட்ராவல் படமா? அல்லது மணி ஹெய்ஸ்ட் திரைப்படமா? என ரசிகர்கள் குழப்பத்தில் உள்ளனர். நடிகர் விஜய் இதுவரை இல்லாத வகையில் அப்பா மகனாக நடித்து வருகிறார்.