Virat Kohli And Anushka : உலகக் கோப்பை தொடருக்காக டிக்கெட் கேட்டு எங்களிடம் வராதீர்கள்

ஐசிசி உலகக் கோப்பை தொடர் இந்தியாவில் 4வது முறையாக நடைபெறவுள்ளது. உலகக் கோப்பை போட்டிகள் நாளை முதல் நவம்பர் 19-ம் தேதி வரை நடைபெறுகிறது. இதில் மொத்தம் 45 லீக் போட்டிகள் 10 மைதானங்களில் நடத்த முடிவு செய்யப்பட்டுள்ளது. லீக் சுற்றில் இந்திய அணி 9 மைதானங்களில் விளையாடுகிறது.

குறிப்பாக, அக்டோபர் 15-ம் தேதி அகமதாபாத் மைதானத்தில் பாகிஸ்தான் அணியுடன் இந்திய அணி விளையாட உள்ளது. இந்நிலையில், உலக கோப்பை தொடருக்கான டிக்கெட் முன்பதிவு மற்றும் விற்பனை கடந்த மாதம் தொடங்கியது. புக் மை ஷோ செயலி மூலம் டிக்கெட் விற்பனையை பிசிசிஐ தொடங்கியுள்ளது. ஆனால் டிக்கெட் கிடைக்கவில்லை என ரசிகர்கள் மத்தியில் புகார் எழுந்தது.

இதனால் டிக்கெட்டுகளுக்கான தேவை அதிகரித்துள்ளது. இதனால் பல ரசிகர்கள் பல லட்சம் ரூபாய் கொடுத்து கறுப்புச் சந்தையில் பல டிக்கெட்டுகளைப் பெற்றனர். இதனால் டிக்கெட் விற்பனையை முறைப்படுத்த வேண்டும் என பலரும் சமூக வலைதளங்களில் பதிவிட்டனர். இதனிடையே, பல்வேறு மைதானங்களில் நேரடி கவுன்டர் டிக்கெட் விற்பனையும் தொடங்கியுள்ளது.