Virat Kohli Withdraws From First Two Tests : முதல் இரண்டு டெஸ்ட் போட்டிகளில் இருந்து விராட் கோலி விலகல்

இங்கிலாந்துக்கு எதிரான முதல் இரண்டு டெஸ்ட் போட்டிகள் கொண்ட தொடரில் இருந்து விலகுவதாக (Virat Kohli Withdraws From First Two Tests) விராட் கோலி அறிவித்துள்ளார். இரு அணிகள் மோதும் முதல் டெஸ்ட் போட்டி வரும் 25ம் தேதி ஹைதராபாத்தில் தொடங்குகிறது. விராட் கோலி உள்ளிட்ட இந்திய அணி வீரர்களுக்கு இந்த போட்டி மிக முக்கியமான தொடராக பார்க்கப்பட்டது. ஏனெனில் பலம் வாய்ந்த இங்கிலாந்து அணியை உள்நாட்டில் இந்தியா தோற்கடித்தால் மட்டுமே உலக டெஸ்ட் சாம்பியன்ஷிப் போட்டியின் இறுதிப் போட்டிக்கு இந்தியா தகுதி பெற முடியும்.

இந்த போட்டிக்கான பயிற்சிக்காக விராட் கோலி ஏற்கனவே ஐதராபாத் வந்துள்ளார். இந்நிலையில் நேற்று ராமர் கோவில் திறப்பு விழாவிற்கு கூட விராட் கோலி செல்லவில்லை. இந்நிலையில் திடீரென விராட் கோலி இந்திய அணியில் இருந்து விலகி (Virat Kohli Withdraws From First Two Tests) உள்ளார். இதற்கு சில தனிப்பட்ட காரணங்களே காரணம் என்று கூறியுள்ள விராட் கோலி, அதில் தனது முழு கவனமும் முன்னிலையும் இருக்க வேண்டும் என்பதால் இந்த முடிவை எடுத்துள்ளதாக கூறியுள்ளார். இதனால் விராட் கோலிக்கும், அனுஷ்கா சர்மாவுக்கும் பிரச்சனை ஏற்பட்டதாக முதலில் கூறப்பட்டது. ஆனால் அனுஷ்கா சர்மாவை திருமணம் செய்து கொண்ட பிறகு இரண்டாவது குழந்தை பிறக்கவே விராட் கோலி இந்த முடிவை எடுத்துள்ளதாக தகவல் வெளியாகியுள்ளது. அனுஷ்கா சர்மா கர்ப்பமாக இருப்பதால் சமீபகாலமாக எந்த நிகழ்ச்சிகளிலும் கலந்து கொள்ளவில்லை என்று கூறப்படுகிறது.