Voice Cloning Scam மூலம் ஏமாற்றப்படாமல் தவிர்க்கும் வழிகள்

குரல் குளோனிங் தொழில்நுட்பம் (Voice Cloning Scam) மூலம் வெறும் மூன்று அல்லது நான்கு வினாடிகள் ஆடியோ உள்ளீடு கொண்டு யாருடைய குரலையும் மீண்டும் உருவாக்க முடியும். மோசடி செய்பவர்கள் இந்த குரல் குளோனிங் தொழில்நுட்பத்தைப் பயன்படுத்துகின்றனர். மோசடி நடவடிக்கைகளுக்கு ஒருவரின் குரலைப் பிரதிபலிக்க AI ஐப் பயன்படுத்துகின்றனர். Phishing, Social Engineering மற்றும் Fraudulent Orders போன்ற மோசடி நடவடிக்கைகளுக்கு ஒருவரின் குரலைப் பிரதிபலிக்க AI ஐப் மோசடி செய்பவர்கள் பயன்படுத்துகின்றனர். க்ளோன் செய்யப்பட்ட குரல்களை ஏமாற்றவும், கையாளவும் அல்லது அடையாள திருடவும் பயன்படுத்துவது கடுமையான நெறிமுறை மீறலான செயல் ஆகும். இந்தியா முழுவதும் சைபர் குற்றவாளிகள் தற்போது பணம் பறிக்க குரல் குளோனிங்கை (Voice Cloning Scam) பயன்படுத்தி வருகின்றனர்.

பாதுகாப்பு மென்பொருள் நிறுவனமான McAfee இன் மதிப்பீட்டின்படி, ஒருவரின் அசலான குரலுக்கு இணையாக 85% குரல் பொருத்தம் கொண்ட குளோனை உருவாக்க அடிப்படை அனுபவமும் நிபுணத்துவமும் மட்டுமே தேவை ஆகும். மோசடி செய்பவர்கள் பாதிக்கப்பட்டவர்களை ஏமாற்ற அவர்கள் குடும்ப உறுப்பினர்களின் குரல் பிரதிகளை வைத்து அவசர பணத்தேவை நாடக மோசடியை உருவாக்கி அந்த குடும்பத்தின் பிற உறுப்பினர்களை நம்ப வைத்து மோசடி செய்கின்றனர். தேசிய குற்றப்பதிவு பணியகத்தின் (NCRB – National Crime Records Bureau) படி,

2020 இல் 166 சைபர் கிரைம் வழக்குகள்
2021 இல் 345 சைபர் கிரைம் வழக்குகள்
2022 இல் 685 சைபர் கிரைம் வழக்குகள்

பதிவு செய்யப்பட்டுள்ளன. ஒரு அழைப்பு, உரை அல்லது மின்னஞ்சலில் யாராவது தனிப்பட்ட தகவலைப் பகிரச் சொன்னால் எச்சரிக்கையாக இருக்க வேண்டும்.

Voice Cloning Scam - AI குரல் குளோனிங் தொலைபேசி மோசடிகளை தவிர்க்கும் வழிகள் :

AI குளோன்களைப் பயன்படுத்தும் மோசடிகளில் இருந்து பாதுகாத்துக் கொள்ள வழிகள்,

தனிப்பட்ட தகவல்களில் எச்சரிக்கையாக இருத்தல் வேண்டும்.
அழைப்பவரின் அடையாளத்தைச் சரிபார்க்க வேண்டும். குறிப்பாக உரையாடலில் முக்கியமான தகவல் அல்லது நிதி பரிவர்த்தனைகள் இருந்தால் தவறாமல் அழைப்பவரின் அடையாளத்தைச் சரிபார்க்க வேண்டும் (ஸ்மார்ட்போனில் எப்போதும் Caller ID Feature இயக்க வேண்டும்).
முக்கியமாக தற்போது மோசடி செய்பவர்கள் பயன்படுத்துகின்ற சமீபத்திய மோசடி முறைகள் மற்றும் மோசடி நுட்பங்களைப் பற்றிய விழிப்புணர்வு வேண்டும். இத்தகைய விழிப்புணர்வு ஆனது எப்பொழுதும் தொடர வேண்டும்.
2FA ஐ இயக்குதல்.
சந்தேகத்திற்குரிய செயல்பாட்டைப் புகாரளிப்பதன் மூலம் உங்களைப் பாதுகாத்துக் கொள்ளுங்கள்.
ஒரு உண்மையான நபருடன் பேசவில்லை என்பதற்கான குறிகாட்டிகளாக பேசுபவரின் இயற்கைக்கு மாறான இடைநிறுத்தங்கள், ரோபோ-ஒலி போன்ற பேசுபவரின் பேச்சு அல்லது பேசுபவரின் விசித்திரமான உச்சரிப்பு ஆகியவற்றை கவனமாகக் கேட்க வேண்டும்.
AI வாய்ஸ் டிடெக்டர் – போலி AI குரல்களைக் கண்டறிந்து ஆடியோ நம்பகத்தன்மையை உறுதிப்படுத்தவும். AI வாய்ஸ் டிடெக்டர் என்பது ஒரு குரல் உண்மையானதா அல்லது செயற்கையாக AI ஆல் உருவாக்கப்பட்டதா என்பதைக் கண்டறிய ஆடியோ கோப்புகளை பகுப்பாய்வு செய்யும் ஒரு சேவையாகும். இது மோசடிகள், மோசடி, தவறான தகவல் பிரச்சாரங்கள் மற்றும் பலவற்றில் பயன்படுத்தப்படும் போலி AI குரல்களை அடையாளம் காண உதவுகிறது
AI ஐ தடுக்க Snapchat இல் My AI அம்சத்தை முடக்க, சுயவிவரத்திற்குச் சென்று, Snapchat+ நிர்வாகத் திரையில் உள்ள ‘My AI’ விருப்பத்தை செயலிழக்கச் செய்ய வேண்டும்.
தொலைபேசி எண் மற்றும் மின்னஞ்சல் ஐடி உட்பட முக்கியமான தகவல்களைப் பகிர்வதைத் தவிர்க்க வேண்டும்.
சந்தேகம் வரும்போது தொலைபேசி நிறுத்தி, மேலும் அந்த நபரின் தொலைபேசி எண்ணைப் பயன்படுத்தி அவரை மீண்டும் அழைக்கவும்.
சில நேரங்களில் ஒரு குடும்ப உறுப்பினருக்கு உண்மையிலேயே உதவி தேவைப்படும். அப்போது எச்சரிக்கையாக ஒருவருக்கொருவர் குடும்ப உறுப்பினர்கள் அழைக்கும் போது அவர்களின் அடையாளத்தை உறுதிப்படுத்த அந்த குடும்ப உறுப்பினர்கள் மட்டுமே அதிகம் பயன்படுத்தக்கூடிய ஒரு வார்த்தை/ சிறப்புச் சொல்லை தனிப்பட்ட விவரங்களைப் பகிர்ந்து கொள்வதற்கு முன் அந்த ஒரு வார்த்தை/ சிறப்புச் சொல்லை அவர்களிடம் கேட்டு உறுதி செய்து உரையாடலை தொடர வேண்டும்.