World Rapid Chess Championship : உலக ரேபிட் செஸ் சாம்பியன் பட்டம் வென்றார் இந்திய வீராங்கனை கொனேரு ஹம்பி

இந்த உலக அதி வேக சதுரங்க சாம்பியன்ஷிப் போட்டியில் பங்கேற்கும் ஒவ்வொரு போட்டியாளருக்கும் மொத்தம் 15 நிமிடம் மட்டுமே வழங்கப்படும். மேலும் ஒவ்வொரு நகர்த்தலுக்கும் 10 வினாடிகள் மட்டுமே அளிக்கப்படும். இதனால் இந்த போட்டியில் பங்கேற்பதற்கு விரைவாக சிந்திக்கும் ஆற்றலும், வேகமாக காய்களை நகர்த்தும் திறனும் வேண்டும். இந்நிலையில் அமெரிக்காவின் நியூயார்க் நகரில் உலக ரேபிட் செஸ் சாம்பியன்ஷிப் தொடரின் இறுதி போட்டியானது நடைபெற்றது. பரபரப்பாக நடைபெற்ற இந்த போட்டியில் இந்திய வீராங்கனை கொனேரு ஹம்பி 11 புள்ளிகளில் 8.5 புள்ளிகள் பெற்று இந்தோனேஷியா வீராங்கனை ஐரீன் சுகந்தரை வீழ்த்தி சாம்பியன் பட்டம் (World Rapid Chess Championship) வென்றுள்ளார். இவருக்கு சர்வதேச அளவில் செஸ் போட்டியில் சாதனை படைத்த விஸ்வநாதன் ஆனந்த், ஜூடித் போல்கர், சூசன் போல்கர், ஆந்திரா முதல்வர் சந்திரபாபு நாயுடு, குகேஷ் மற்றும் இந்தியாவின் பிரபல தொழிலதிபர் ஆனந்த் மஹிந்திரா போன்ற பலரும் வாழ்த்து தெரிவித்துள்ளனர்.