World's First AI Software Engineer : உலகின் முதல் AI மென்பொருள் இன்ஜினியர் Devin அறிமுகம்

அமெரிக்காவைச் சேர்ந்த பிரபல நிறுவனமான காக்னிஷன் (Cognition) ஆனது டெவின் என்ற உலகின் முதல் செயற்கை நுண்ணறிவு (AI) மென்பொருள் என்ஜினீயரை 13/03/2024 அன்று  அறிமுகம் செய்துள்ளது. மின்னல் வேகத்தில் AI வளரும் நிலையில், கோடிங் போடும் புதிய வகை  AI Tool இப்போது அறிமுகம் செய்யப்பட்டுள்ளது. இந்த ஏஐ காரணமாக வேலையிழப்பு ஏற்படும் அபாயம் உள்ளதாகக் கூறப்படுகிறது.

இதுவரை புது புது அம்சங்களுடன் AI தொழில்நுட்பத்தை பல்வேறு முன்னணி நிறுவனங்கள் அறிமுகப்படுத்தி வரும் நிலையில், உலகின் முதல் முறையாக AI தொழில்நுட்பத்தில் இயங்கும்  AI  மென்பொருள் இன்ஜினீயரை காக்னிஷன் (Cognition) அறிமுகம் செய்துள்ளது.

செயற்கை நுண்ணறிவு (AI) மென்பொருள் இன்ஜினியருக்கு ‘டெவின்’ என பெயர் சூட்டப்பட்டுள்ளது. இதுவரை AI பாட்கள், டெக்ஸ்ட், இமேஜ், ஆடியோ, வீடியோ போன்றவை ஜெனரேட் செய்து வந்த நிலையில், தற்போது ஒரு வித்தியாசமான புதிய பணியை மேற்கொள்ளும் வகையில் Cognition நிறுவனம்  டெவின்  AI மென்பொருள்  இன்ஜினீயரை உருவாக்கியுள்ளது.

டெவின் ஏஐ மென்பொருள் இன்ஜினியர் ஒரு அயராத, திறமையான டீம்மேட், மனித பொறியாளர்களுடன் இணைந்து பணியாற்றும் வகையில் மற்றும் மனித பொறியாளர்களுடன் இணைந்து கட்டமைக்க அல்லது மனித பொறியாளர்கள் மறுபரிசீலனை செய்யும் பணிகளை சுயமாக செய்து முடிக்கும். அதன்படி, டெவின் மூலம், பல்வேறு சிக்கலான பொறியியல் பணிகளை திட்டமிட்டு செயல்படுத்த முடியும்.மற்ற AI tools போலல்லாமல், இது தனித்து நிற்கிறது, ஏனெனில் இது குறியீட்டு பரிந்துரைகள் அல்லது தன்னியக்க பணிகளை மட்டும் வழங்காது ஒரு முழு மென்பொருள் திட்டத்தையும் சுயாதீனமாக எடுத்து முடிக்கும்.