North Korea Missile Test : வடகொரியா தொடர்ந்து ஏவுகணை பரிசோதனைகளை மேற்கொண்டு வருகிறது

வடகொரியா தற்போது சில அதிரடி நடவடிக்கையில் இறங்கியிருக்கிறது. அதாவது, அணு ஆயுத தடவாளத்தில் வடகொரியா புதிய உலை ஒன்றை தயார் செய்து வருகிறது. இந்த புதிய உலை மூலம் மின் உற்பத்தியை அதிகரிக்க முடியும் என்றாலும், கூடவே அணு ஆயுதங்களுக்கு தேவையான புளூட்டோனியத்தையும் தயாரிக்க முடியும். இது அமெரிக்காவிற்கு அச்சுறுத்தலை ஏற்படுத்தி இருக்கிறது.

எனவே அமெரிக்கா ஆனது வடகொரியாவின் செயல்பாடுகளை உன்னிப்பாக கவனிக்க முயன்று வருகிறது. இந்த புதிய உலை விவகாரம் குறித்து தென் கொரியாவின் பாதுகாப்பு அமைச்சர் ஷின் வோன்சிக், “நீண்ட காலமாக வட கொரியா யோங்பியோனில் உள்ள 5 மெகாவாட் அணுஉலையில் இருந்து ஆயுத தர புளூட்டோனியத்தை தயாரித்து வருகிறது. வடகொரியா இந்த உலையை மின்சார உற்பத்திக்கு மட்டுமே பயன்படுத்தி வருவதாக கூறி வருகிறது. இந்த நிலையில் தற்போது புதிய இலகு-நீர் உலையை வட கொரியா நிறுவியுள்ளது. இந்த புதிய இலகு-நீர் உலை வரும் ஏப்ரல்-மே மாதங்களில் பயன்பாட்டுக்கு வரும். சர்வதேச அளவில் இலகு-நீர் உலைகளை கொண்டு அணு ஆயுதங்கள் உற்பத்தி செய்ய பயன்படுத்தப்படுவதில்லை.

ஆனால், இந்த உலையிலிருந்து பெறப்படும் செறிவூட்டப்பட்ட யுரேனியத்துடன் புளூட்டோனியம் அணு ஆயுதங்களுக்கு சிறந்த எரிபொருள் என்பது குறிப்பிடத்தக்கது. ஏற்கெனவே  வடகொரியா ஆனது பல்வேறு புதிய ஏவுகணைகளை பரிசோதித்து வருகின்ற  நிலையில் (North Korea Missile Test) தொடர்ந்து வடகொரியா அணு ஆயுதங்களை தயாரிக்காது என்று கணிக்க முடியாது மற்றும் நம்ப முடியாது” என்று கூறியுள்ளார்.