இதை தொடரந்து 97 ரன்கள் எடுத்தால் வெற்றி என்ற எளிய இலக்குடன் களமிறங்கிய இந்திய அணியில் நட்சத்திர பேட்ஸ்மேன் விராட் கோலி ஒரு ரன்னில் ஆட்டம் இழந்து அதிர்ச்சி அளித்தார். ஆனால் மறுமுனையில் நிதானமாக விளையாடிய கேப்டன் ரோகித் சர்மா 52 ரன்கள் எடுத்தார். ரிஷப் பண்ட் 36 ரன்களை எடுத்து கடைசி வரை ஆட்டமிழக்காமல் இருந்தார். இதனால் 12.2 ஓவர்கள் முடிவில் இந்திய அணி 2 விக்கெட்களை இழந்து 97 ரன்களை எடுத்தது. இதன் மூலம் இந்திய அணி 8 விக்கெட் வித்தியாசத்தில் அபார வெற்றி பெற்றது.

அயர்லாந்து தரப்பில் மார்க் அடேய்ர், பெஞ்சமின் வைட் ஆகியோர் தலா ஒரு விக்கெட் வீழ்த்தினர். இந்த வெற்றியின் மூலம் இந்திய அணிக்காக அதிக போட்டிகளில் வெற்றி பெற்ற  கேப்டன் என்ற எம்எஸ் தோனியின் சாதனையை ரோஹித் சர்மா முறியடித்தார். எம்எஸ் தோனி 41 போட்டிகளில் வெற்றி பெற்றுள்ள நிலையில், ரோஹித் சர்மா தற்போது 42 போட்டிகளில் வெற்றி பெற்றுள்ளார் என்பது குறிப்பிடத்தக்கது.