Chennai Formula Racing Circuit Was Launched : ஆசியாவில் முதல் முறையாக இரவில் ஃபார்முலா ரேஸ்...

Chennai Formula Racing Circuit Was Launched : இந்த நிலையில் தற்போது ஆசியாவில் முதல் முறையாக இரவு நேரங்களில் நடக்கும் ஃபார்முலா ரேஸ் பந்தயம் நடைபெற உள்ளது. இது மாதிரியான போட்டிகள் பெரும்பாலும் ஐரோப்பா நாடுகளில் தான் நடைபெற்று வந்தன. இதற்காக மட்டும் தமிழக அரசு சுமார் 42 கோடி ரூபாய் செலவு செய்ய உள்ளது. இதில் இந்த மைதானத்தை சுற்றி சுமார் மூன்று கிலோ மீட்டர் தூரத்திற்கு பந்தயம் நடத்தப்பட உள்ளதால் அந்த சுற்றியுள்ள சாலைகளை சரி செய்யும் பணிகள் நடைபெற்று வருகின்றன. இந்த ஃபார்முலா ரேஸ் கார் பந்தயம் சர்வதேச தரத்துக்கு உயர்த்தப்பட உள்ளது. இந்த நிலையில் இந்த கார் பந்தயம் வரும் டிசம்பர் மாதம் 9 மற்றும் 10ம் தேதி நடக்க உள்ளது என அறிவிக்கப்பட்டிருந்தது. உலகின் அதிகப்படியான ரசிகர்களால் ரசிக்கப்பட்டு வரும் போட்டிகளில் கார் பந்தயமும் ஒன்றாகும். இதில் ஃபார்முலா 1 என்பதுதான் உயர்தர விளையாட்டாகும். தற்போது நடத்தப்பட உள்ளது ஃபார்முலா 4 ஆகும்.

இந்த விளையாட்டுப் போட்டிகள் பெரும்பாலும் பகல் நேரங்களில் நடத்தப்படுவது தான் வழக்கம். ஆனால் தற்போது ஆசியாவிலேயே முதல்முறையாக இந்த போட்டியை சென்னையில் விரைவில் நடத்த தமிழக விளையாட்டு துறையினர் ஆர்வமாக உள்ளனர். இதனால் சென்னையின் மீது விளையாட்டு உலகின் கண்கள் திரும்பிப் பார்க்கும் என்பது தான் இதன் முக்கிய நோக்கம். ஏற்கனவே பல்வேறு விதமான போட்டிகள் சென்னையில் நடத்தப்படுவதன் மூலம் சென்னையில் நிறுத்தப்பட்டிருந்த ஓபன் டென்னிஸ் போட்டி மட்டும் மீண்டும் தொடங்கினால் அனைத்து விதமான போட்டிகளும் நடத்தப்பட்டுவிடும். இதனால் சென்னை அணி விரைவில் விளையாட்டு தலைநகரமாக மாறிவிடும் என்பதில் சிறிதும் சந்தேகமில்லை.