அஸ்வத் - பிரதீப் ரங்கநாதன் கூட்டணியில் உருவாகும் "Dragon"

பிரதீப் ரங்கநாதன் அடுத்ததாக ‘ஓ மை கடவுளே’ படத்தின் இயக்குனர் அஸ்வத் இயக்கும் படத்தில் நடிக்கிறார். அஸ்வத், பிரதீப் இருவரும் ஒரே கனவோடு கல்லூரியில் ஒன்றாகப் விஸ்காம் சேர்ந்து படித்தவர்கள். கல்லூரியில் அஸ்வத்தின் ஜூனியர் பிரதீப் ரங்கநாதனிடம், ஒரு நாள் நீ நடித்து நான் படம் எடுக்க வேண்டும் என்று அஸ்வத் கூறினார். சரியாக 10 ஆண்டுகளுக்குப் பிறகு, அஸ்வத் இயக்கும் படத்தில் பிரதீப் கதாநாயகனாக நடிக்கும் கனவு நிஜமாகிறது. இந்த இரு கல்லூரி நண்பர்கள் கூட்டணியில் உருவாகும் இப்படத்தை ஏஜிஎஸ் எண்டர்டெயின்மெண்ட் நிறுவனம் தயாரிக்கிறது. இப்படத்திற்கு “Dragon” என்று பெயரிடப்பட்டுள்ளது.

ஓ மை கடவுளே படத்தில் கற்பனை கலந்த காதல் கதையை கூறிய அஷ்வத், இந்த படத்தின் மூலம் என்ன மாதிரியான கதை சொல்ல போகிறார் என்ற எதிர்பார்ப்பு ரசிகர்கள் மத்தியில் அதிகரித்துள்ளது. Dragon படத்தின் படப்பிடிப்பு சென்னையில் பூஜையுடன் தொடங்கியது. இப்படத்தில் இயக்குனர் மிஸ்கின் முக்கிய வேடத்தில் நடிக்கிறார். நடிகர்கள் பற்றிய கூடுதல் தகவல்கள் விரைவில் வெளியாகும் என எதிர்பார்க்கலாம். இரண்டு இளம் இயக்குனர்கள் இணையும் இந்தப் படம் நிச்சயம் இளைஞர்களை கவரும் என ரசிகர்கள் ஆவலுடன் காத்துக் கொண்டிருக்கிறார்கள்.