Fig Dry Fruit : உலர்ந்த அத்திப்பழத்தை சாப்பிடுவதால் ஏற்படும் நன்மைகள்

மலச்சிக்கலைத் தடுக்க : இன்று நம்மில் சிலர் சந்திக்கும் செரிமானக் கோளாறுகளில் ஒன்று மலச்சிக்கல். ஊறவைத்த அத்திப்பழத்தை காலையில் சாப்பிடுவது குடல் இயக்கத்தை மேம்படுத்த உதவுகிறது. அத்திப்பழத்தில் கரையக்கூடிய நார்ச்சத்து மற்றும் கரையாத நார்ச்சத்து உள்ளது. இது ஆரோக்கியமான செரிமான அமைப்பை பராமரிக்க உதவுகிறது. மலச்சிக்கல் போன்ற எந்த பிரச்சனையும் வராமல் தடுக்கிறது. தினமும் அத்திப்பழங்களை சாப்பிடுவதைத் தவிர, செரிமான பிரச்சனைகளைத் தடுக்க நார்ச்சத்து நிறைந்த பழங்கள் மற்றும் காய்கறிகள் போன்ற ஆரோக்கியமான உணவை உண்ணுங்கள்.

உடல் எடையை குறைக்க : உடல் எடையை குறைக்க விரும்புவோர் காலையில் ஊறவைத்த அத்திப்பழத்தை சாப்பிடுவதால், நீண்ட நேரம் நிறைவாக இருக்கும். இது நாள் முழுவதும் உங்கள் பசியைக் கட்டுப்படுத்துகிறது. இதனால் உடல் எடை அதிகரிப்பதை தடுக்கலாம். அத்திப்பழத்தில் நார்ச்சத்து அதிகம் உள்ளது. இது ஜீரணிக்க குறைந்த நேரத்தை எடுக்கும் மற்றும் அதிக கலோரிகளை உட்கொள்வதை தடுக்கிறது.

இரத்த சர்க்கரை அளவை ஒழுங்குபடுத்த : நீங்கள் நீரிழிவு நோயாளியாக இருந்தால் அல்லது உங்கள் இரத்த சர்க்கரை அளவை கட்டுக்குள் வைத்திருக்க விரும்பினால், ஊறவைத்த அத்திப்பழம் சாப்பிடுவது உங்களுக்கு மிகவும் நல்லது. அத்திப்பழத்தில் குளோரோஜெனிக் அமிலம் உள்ளது. இது இரத்த சர்க்கரை அளவை கட்டுப்படுத்த உதவுகிறது. அத்திப்பழத்தில் பொட்டாசியம் இருப்பதால், அவை உடலில் உள்ள இரத்த சர்க்கரை அளவை சீராக்க உதவுகிறது.

இதய ஆரோக்கியத்தை மேம்படுத்த : அத்திப்பழம் இரத்தத்தில் உள்ள ட்ரைகிளிசரைடுகளைக் குறைக்க உதவுகிறது. அவை கொழுப்புத் துகள்கள் என்று அழைக்கப்படுகின்றன. இவை இரத்த நாளங்களில் ஒட்டிக்கொள்வதால் மாரடைப்புக்கு முக்கிய காரணமாகிறது. ஊறவைத்த அத்திப்பழத்தை (Fig Dry Fruit) தினமும் சாப்பிடுவது இந்த கொழுப்புத் துகள்களைக் குறைத்து ஆரோக்கியமான இதயத்தைப் பெற உதவுகிறது.

எலும்புகளை வலுவாக்க : பல பெண்கள் கால்சியம் குறைபாட்டால் பாதிக்கப்படுகின்றனர். கால்சியம் குறைபாட்டால் உள்ள பெண்கள் கட்டாயம் ஊறவைத்த அத்திப்பழத்தை சாப்பிட வேண்டும். அத்திப்பழம் (Fig Dry Fruit) சாப்பிடுவதால் எலும்புகள் உறுதியாகும்.

தாய்மை அடைய உதவும் : அத்திப்பழத்தில் (Fig Dry Fruit) துத்தநாகம், மாங்கனீசு, தாதுக்கள் மற்றும் மெக்னீசியம் நிறைந்துள்ளது. இவை அனைத்தும் தாய்மையை எதிர்பார்க்கும் பெண்களுக்கு மிகவும் நல்லது. கர்ப்பம் தரிக்க திட்டமிடும் பெண்களின் கருவுறுதலுக்கு அத்திப்பழங்கள் உதவுகிறது. ஊறவைத்த அத்திப்பழத்தை தினமும் சாப்பிடுவது ஆரோக்கியமான கர்ப்பத்திற்கு உதவுகிறது. அத்திப்பழங்கள் அதிக சத்தானவை மற்றும் உங்கள் ஆரோக்கியத்திற்கு பல நன்மைகள் இருந்தாலும், நீங்கள் ஏதேனும் மருந்து அல்லது சிகிச்சையில் இருந்தால், அவற்றை உங்கள் உணவின் ஒரு பகுதியாக மாற்றுவதற்கு முன் உங்கள் மருத்துவரை அணுகுவது நல்லது.