Adani Starts $1.2 Billion Copper Plant : அதானியின் $1.2 பில்லியன் தாமிர ஆலை நாட்டின் உலோக உற்பத்தியை அதிகரிக்கும்
கௌதம் அதானி தலைமையிலான குழு குஜராத்தில் உள்ள முந்த்ராவில் தாமிர உற்பத்தி ஆலையை உருவாக்குகிறது, இது இந்திய நாட்டின் தாமிர இறக்குமதியைச் சார்ந்திருப்பதைக் குறைக்க உதவும். தாமிர உலோகமானது மின்சார வாகனங்கள் (EVகள்), சார்ஜிங் உள்கட்டமைப்பு, சூரிய ஒளிமின்னழுத்தங்கள் (PV), காற்று மற்றும் பேட்டரிகள் போன்ற ஆற்றல் மாற்றத்திற்கு முக்கியமான தொழில்நுட்பங்கள் தயாரிப்பதற்கு தேவைப்படுகிறது. வேகமாக வளர்ந்து வரும் புதுப்பிக்கத்தக்க ஆற்றல், தொலைத்தொடர்பு மற்றும் மின்சார வாகனத் தொழில்களின் பின்னணியில் தாமிர உலோகத்தின் தேவை அதிகரித்து வருகிறது.
இந்திய நாட்டின் தாமிர உற்பத்தியால் தாமிரத் தேவையை பூர்த்தி செய்ய முடியாததால், கடந்த ஐந்து ஆண்டுகளாக இந்திய நாட்டின் தாமிர இறக்குமதி ஆனது தொடர்ந்து அதிகரித்து வருகிறது. சீனா மற்றும் பிற நாடுகளுடன் இறக்குமதி செய்யப்பட்ட தாமிரத்தை அதிக அளவில் இந்தியா சார்ந்திருக்க வழிவகுக்கிறது.
அதானி எண்டர்பிரைசஸ் லிமிடெட்டின் துணை நிறுவனமான கட்ச் காப்பர் லிமிடெட் (கேசிஎல்) ஆண்டுக்கு 1 மில்லியன் டன் திறன் கொண்ட சுத்திகரிக்கப்பட்ட தாமிர உற்பத்திக்கான கிரீன்ஃபீல்ட் காப்பர் சுத்திகரிப்பு திட்டத்தை 2 கட்டங்களாக அமைக்கிறது. முதல் கட்டமாக, ஆண்டுக்கு 500,000 டன் சுத்திகரிக்கப்பட்ட தாமிரத்தை இந்த ஆலை உற்பத்தி செய்யும். இரண்டாம் கட்டமாக ஆண்டுக்கு 1 மில்லியன் டன்கள் வரை சுத்திகரிக்கப்பட்ட தாமிரத்தை இந்த ஆலை உற்பத்தி செய்யும்.
அதானி தலைமையிலான குழு, குஜராத்தில் உள்ள முந்த்ராவில் உலகின் மிகப்பெரிய ஒற்றை–இருப்பு தாமிர உற்பத்தி ஆலையின் முதல் கட்டத்தை வியாழன் 27.03.2024 அன்று அறிவித்தது. இது இந்தியாவில் மிகவும் திறமையான தாமிர உருக்காலைகளில் ஒன்றாக இருக்கும், குறைந்த கிரீன்ஹவுஸ் வாயு உமிழ்வுகள் இருக்கும். அதானி, ‘பசுமை தாமிரத்தின் ஆதரவாளராக இருக்கும்.
இது இந்தியா இறக்குமதியின் மீது சார்ந்திருப்பதைக் குறைக்க உதவும் மற்றும் ஆற்றல் மாற்றத்திற்கு உதவும் . 2030-க்குள் உலகின் மிகப்பெரிய தாமிர உருக்கும் வளாகமாக இருக்க வேண்டும் என்பதே அதானி அவர்களின் நோக்கம். வள வர்த்தகம், தளவாடங்கள், புதுப்பிக்கத்தக்க ஆற்றல் மற்றும் உள்கட்டமைப்பு ஆகியவற்றில் அதானி குழுமத்தின் வலுவான நிலையை மேம்படுத்துவதன் மூலம், செப்பு வணிகத்தில் உலகின் முன்னணி நிறுவனமாக இருக்க வேண்டும் என்பதே அதானி அவர்களின் நோக்கம்.
Latest Slideshows
-
World Heritage Sites in 2024: அதிக உலக பாரம்பரிய தளங்கள் உள்ள நாடுகள் பட்டியல்
-
Powerful Solar Storm: பூமியை தாக்கிய சக்தி வாய்ந்த காந்த புயல் !
-
Drones To Monitor Pakistan : பாகிஸ்தானை கண்காணிக்க பதிண்டா தளத்தில் ஆளில்லா விமானங்கள்
-
Speedy Growth Of Chennai Real Estate In 2024 : 2024ல் சென்னை ரியல் எஸ்டேட்டின் வேகமாக வளர்ச்சிக்கு அச்சாரமாக உள்ள இடங்கள்
-
Samsung Galaxy F55 5G Launch : Samsung Galaxy F55 5G - மே 17 அன்று அறிமுகம்
-
மும்பையில் 3,50,000 சதுர அடி கூட்டு கட்டுமானம் - Siroya Corp Development Plan
-
Chennai Real Estate Development : பெரிய முதலீட்டாளர்களின் நுழைவை அறிவித்தது
-
Founder Adani's Success Story : Adani Group Founder & Chairman திரு.அதானியின் வெற்றிக் கதை
-
Steel Cutting Ceremony Of Cadet Training Ship : காட்டுப்பள்ளியில் 3rd Cadet-Training Ship-ன் Steel-Cutting Ceremony
-
வேலை மாறினால் PF பணம் தானாக மாற்றப்படும் - New EPFO Rule