Ghilli Collection 2024 : டைட்டானிக் படத்தின் வசூலை மிஞ்சிய கில்லி

இப்படம் வெளியாகி 9 நாட்களில் 20 கோடியை தாண்டியுள்ளது. இந்தியாவிலேயே அதிக வசூல் செய்த ரீ-ரிலீஸ் படம் என்ற சாதனையை கில்லி (Ghilli Collection 2024) பெற்றுள்ளது. இந்த சாதனை இதற்கு முன்பு 2012ல் டைட்டானிக் பெற்றது. கில்லி தமிழகத்தில் மட்டும் ரூ.18.40 கோடியும், கர்நாடகாவில் ரூ.1.20 கோடியும், மற்ற இந்திய அளவில் ரூ.65 லட்சமும் வசூலித்துள்ளது. இந்தியா முழுவதும் மொத்தம் 20 கோடியே 25 லட்சங்களை வசூலித்துள்ளது.

இந்தியா மட்டுமின்றி வெளிநாடுகளிலும் கில்லி வசூல் மழையை பொழிந்து வருகிறது. கனடாவில் 90 ஆயிரம் அமெரிக்க டாலர்கள், மலேசியாவில் 1 லட்சத்து 10 ஆயிரம் அமெரிக்க டாலரும், சிங்கப்பூரில் 75 ஆயிரம் அமெரிக்க டாலர்கள், இலங்கையில் 60 ஆயிரம் அமெரிக்க டாலர்கள், பிரான்சில் 90 ஆயிரம் அமெரிக்க டாலர்கள், இங்கிலாந்தில் 1 லட்சத்து 15 ஆயிரம் டாலர்கள். ஐரோப்பாவின் இதர பகுதிகளில் 1 லட்சத்து 10 ஆயிரம் டாலர்கள், உலகின் பிற பகுதிகளில் 1 லட்சம் அமெரிக்க டாலர்கள், வெளிநாடுகளில் மட்டும் 7 லட்சத்து 50 ஆயிரம் அமெரிக்க டாலர் அதாவது இந்திய மதிப்பில் 6 கோடியே 25 லட்சம் ரூபாய் வசூலித்துள்ளது. கில்லி படம் இந்தியா மற்றும் வெளிநாடுகளில் மொத்தம் ரூ.26 கோடியே 50 லட்சங்களை வசூலித்துள்ளது. இந்தியாவிலேயே அதிக வசூல் செய்த ரீ-ரிலீஸ் படம் என்ற சாதனையை படைத்துள்ள கில்லி படத்தின் வெற்றியை விஜய் ரசிகர்கள் கொண்டாடி வருகின்றனர்.