Rasavathi Trailer : அர்ஜுன் தாஸின் 'ரசவாதி' படத்தின் ட்ரெய்லர் வெளியீடு

மிகக் குறைவான படங்களை இயக்கிய மற்றும் தேர்ந்தெடுக்கப்பட்ட ரசிகர் வட்டத்தை கொண்ட இயக்குனர்கள் குறைவு. தியாகராஜா குமாரராஜா, ராம், சாந்தகுமார் போன்றோரை இந்த வரிசையில் குறிப்பிடலாம். மெளனகுரு படத்தின் மூலம் இயக்குநராக அறிமுகமானவர் சாந்தகுமார். மெளனகுரு திரைப்படம் வெளியான நேரத்தில் பெரிய அளவில் வரவேற்பைப் பெறவில்லை என்றாலும், பிற்காலத்தில் அதிகம் பேரால் பேசப்பட்டது. இதையடுத்து, இந்தப் படத்தின் ஹிந்தி ரீமேக்கை ஏ.ஆர்.முருகதாஸ் இயக்கி மாபெரும் வெற்றி பெற்றது. அதன்பிறகு ஆர்யாவை வைத்து மகாமுனி படத்தை இயக்கினார். படம் ஆர்யாவை இதுவரை பார்த்திராத முற்றிலும் புதிய பரிணாமத்தில் காட்டியது. சாந்தகுமார் 12 வருடங்களில் தனது மூன்றாவது படத்தை தயாரித்து இயக்கியுள்ளார்.

இந்த படத்திற்கு ரசவாதி என பெயர் வைக்கப்பட்டுள்ளது. இந்தப் படத்தில் ரம்யா சுப்ரமணியம், ரிஷிகாந்த், தன்யா மற்றும் பலர் நடித்துள்ளனர். டி.என்.ஏ மற்றும் சரஸ்வதி சினி கிரியேஷன்ஸ் இணைந்து தயாரிக்கும் இப்படத்திற்கு தமன் இசையமைத்துள்ளார். இப்படத்தின் டீசர் கடந்த ஆண்டு வெளியாகி கவனம் ஈர்த்த நிலையில், தற்போது படத்தின் ட்ரெய்லர் (Rasavathi Trailer) வெளியாகியுள்ளது. இந்த ட்ரெய்லரை லோகேஷ் கனகராஜ் வெளியிட்டுள்ளார். பயமில்லாமல் நடிப்பது தான் வீரமா என்றும், சண்டையில் சாவதுதான் வீரம் என்று இந்தப் படத்தின் ட்ரெய்லரில் அர்ஜுன் வசனம் தாஸ் பேசியுள்ளார். சாந்தகுமார் இயக்கத்தில் அர்ஜுன் தாஸ் நடித்துள்ள ரசவாதி படம் பெரும் எதிர்பார்ப்பை ஏற்படுத்தியுள்ளது.