Indian Team Arrival In India : உலகக் கோப்பையுடன் தாயகம் வந்த இந்திய கிரிக்கெட் அணி

அமெரிக்கா மற்றும் மேற்கிந்தியத் தீவுகளில் நடந்த டி20 உலகக் கோப்பையை ரோஹித் சர்மா தலைமையிலான இந்திய அணி வென்று அசத்தியது. இந்நிலையில், இறுதிப் போட்டிக்கு நான்கு நாட்களுக்குப் பிறகு இந்திய அணி இன்று காலை 6.30 மணியளவில் டெல்லி விமான நிலையத்துக்கு வந்தடைந்தது. சனிக்கிழமை நடைபெற்ற இறுதிப் போட்டியில் தென்னாப்பிரிக்காவை வீழ்த்தி இந்தியா கோப்பையை வென்றது. இந்தியா உடனடியாக நாடு திரும்பும் என எதிர்பார்க்கப்பட்ட நிலையில் பார்படாஸில் புயல் எச்சரிக்கை விடப்பட்டது. பலத்த மழை மற்றும் பலத்த சூறாவளிக்காற்று காரணமாக அங்கு விமான சேவைகள் நிறுத்தப்பட்டன. இதனால் இந்திய அணி தாயகம் திரும்புவதில் தொடர்ந்து தாமதம் ஏற்பட்டது. இந்நிலையில், இறுதிப் போட்டிக்கு 4 நாட்களுக்குப் பிறகு இந்திய அணி இன்று டெல்லி வந்தடைந்துள்ளது.