Raayan Release Date : ராயன் திரைப்படத்தின் ரிலீஸ் தேதி அறிவிப்பு

ராயன் படத்தின் தயாரிப்பு நிறுவனமான சன் பிக்சர்ஸ் இது தொடர்பான அறிவிப்பை வெளியிட்டுள்ளது. அதை தொடர்ந்து, ராயன் படத்தின் புதிய போஸ்டரையும் படக்குழு வெளியிட்டுள்ளது. தனுஷின் 50வது படமாக உருவாகியுள்ள ராயன் திரைப்படத்தை அவரே எழுதி உருவாக்கியுள்ளார். பவர் பாண்டி படத்திற்கு பிறகு தனுஷ் நடிக்கும் இரண்டாவது படம் இதுவாகும். இதற்கு ஏ.ஆர்.ரகுமான் இசையமைத்துள்ளார். இந்நிலையில், ராயன் தமிழ், தெலுங்கு, ஹிந்தி ஆகிய மொழிகளில் வரும் ஜூலை 26 ஆம் தேதி வெளியாகும் (Raayan Release Date)  என சன்பிக்சர்ஸ் நிறுவனம் அறிவித்துள்ளது.

இப்படம் ஜூன் 13 ஆம் தேதி வெளியாகும் என முன்னதாக அறிவிக்கப்பட்டது. சன் பிக்சர்ஸ் நிறுவனத்திற்காக தனுஷ் ஃபர்ஸ்ட் காபியை அடிப்படையாகக் கொண்டு ராயன் படத்தைத் தயாரித்துள்ளார். இந்த படத்தின் படப்பிடிப்பு, எடிட்டிங் என அனைத்து பணிகளும் முடிவடைந்து ரிலீசுக்கு தயாராக உள்ளது. ஆனால் தேர்தல் காரணமாக படத்தின் வெளியீடு தள்ளிப்போனது. இந்நிலையில் படத்தின் ரிலீஸ் தேதி அறிவிப்பு தனுஷ் ரசிகர்களிடையே உற்சாகத்தை ஏற்படுத்தியுள்ளது. தனுஷ் இயக்கி நடித்துள்ள ராயன் படத்தில் அவரது சகோதரரும் இயக்குனருமான செல்வராகவன், காளிதாஸ் ஜெயராம், சந்தீப் கிஷன், துஷாரா விஜயன், அபரணா பாலமுரளி, வரலட்சுமி சரத்குமார், சரவணன் பிரகாஷ் ராஜ், எஸ்.ஜே.சூர்யா மற்றும் பலர் நடித்துள்ளனர்.

படத்தின் கதை வடசென்னையில் வசிக்கும் மூன்று சகோதரர்களைப் பற்றியது, இது ஒரு கேங்ஸ்டர் கதைக்களம் என்று கூறப்படுகிறது. முன்னதாக, படத்தின் முதல் பாடலான அடங்காத அசுரன் வெளியாகி கலவையான விமர்சனங்களைப் பெற்றது. இதையடுத்து, ராயன் படத்தின் இரண்டாவது பாடலான வாட்டர் பாக்கெட் வெளியானது. ஏ.ஆர்.ரகுமான் இசையமைத்த இந்தப் பாடலை இசையமைப்பாளர் சந்தோஷ் நாராயணன் – பாடகி ஸ்வேதா மோகன் பாடியுள்ளனர். சந்தீப் கிஷன் – அபர்ணா பாலமுரளியின் காதல் பாடலாக வெளியான இந்தப் பாடல், தனுஷ், செல்வராகவன், காளிதாஸ் ஜெயராம், துஷாரா ஆகியோர் குடும்பமாக இணையும் காட்சிகளும் படத்தில் இடம்பெற்றுள்ளன.