SpaceX Starship: மார்ச் மாதம் ஸ்டார்ஷிப்பை ஏவ திட்டம்
SpaceX Starship ராக்கெட் அடுத்து வரும் மார்ச் மாதம் சுற்றுவட்ட பாதையில் செலுத்த எலோன் மஸ்க் திட்டமிட்டுள்ளார். தற்போது டெஸ்லா மற்றும் ட்விட்டருக்கு தலைமை தாங்கும் ‘எலான் மஸ்க்’ ட்விட்டரில், ஸ்டார்ஷிப்பை ராக்கெட் வடிவில் அமைத்து திட்டமிட்டபடி சுற்றுவட்டப்பாதையில் செலுத்த முடிவு செய்துள்ளதாக கூறியுள்ளார். ஸ்பேஸ் எக்ஸ் அதன் அடுத்த தலைமுறை ஆழமான விண்வெளி போக்குவரத்து அமைப்பின் முக்கிய செயல்விளக்க விமானத்தை இயக்கயுள்ளதை முதன்மையாக கொண்டுள்ளது.
நாசா விண்வெளி வீரர்களை சந்திரனுக்கு பறக்க விடுவதை நோக்கமாக கொண்டுள்ளது. இதை தொடர்ந்து மீதமுள்ள சோதனைகள் சரியாக இருந்தால் ஸ்டார்ஷிப்பை அடுத்த மாதம் ஏவ தொடங்கலாம் என்று எலான் மஸ்க் ஸ்டார்ஷிப்பை பற்றி தெரிந்த ஒரு பயனரின் ட்விட்டருக்கு பதிலளித்துள்ளார். பிப்ரவரி பிற்பகுதியில் ஸ்டார்ஷிப்பை அறிமுகப்படுத்துவதில் ஒரு “உண்மையான காட்சி” இருப்பதாக மஸ்க் ஜனவரி மாதம் கூறியிருந்தார், மேலும் மார்ச் மாத ஏவுதல் முயற்சி மிகவும் நமக்கு சாத்தியமாகத் தோன்றுகிறது என்று நிறுவனரும் தலைமை நிர்வாக அதிகாரியுமான மஸ்க் என்றும் கூறினார்.
சந்திரனுக்கும் செவ்வாய் கிரகத்துக்கும் மனிதர்கள் மற்றும் சரக்குகளை எடுத்து செல்வதற்கும் ஸ்டார்ஷிப்பை ஸ்பேஸ்எக்ஸ் உருவாக்கி வருகிறார். வரவிருக்கும் சோதனை விமானமானது ஸ்டார்பேஸில் இருந்து புறப்படும். இது பூமியைச் சுற்றி ஒருமுறை பயணித்து, அதன் பின்னர் ஹவாய் தீவான கவாயில் இருந்து பசிபிக் பெருங்கடலில் தெறிக்கும். டெக்சாஸ் கடற்கரையில் மெக்ஸிகோ வளைகுடாவில் பூஸ்டர் 7 அதன் சொந்த ஸ்பிளாஷ் டவுனை உருவாக்கும். சுற்றுப்பாதை சோதனை விமானமானது மே 5, 2021 முதல் ஸ்டார்ஷிப் விமானமாகும். இது 100 டன் எடையுள்ள சரக்குகளை பூமியின் சுற்றுப்பாதையில் ஏற்றிச் செல்லும் திறன் கொண்டவை , இதுவரை பறக்காத சக்திவாய்ந்த ஏவுகணை வாகனமாக இது இருக்கும்.
ஸ்டார்ஷிப் என்பது குழுகள் மற்றும் சரக்குகளை எடுத்துச் செல்லும் மற்றும் சூப்பர் ஹெவி ராக்கெட் ஆகியவற்றைக் கொண்ட இரண்டு-கூறு அமைப்பின் கூட்டுப் பெயர் ஆகும் . ராக்கெட் கம்போனென்ட் ஸ்டார்ஷிப்பை 65 கிமீ உயரத்திற்கு மேலே உயர்த்தி மீண்டும் பூமிக்கு திரும்பும். ஸ்டார்ஷிப் என்பது இது முழுக்க முழுக்க போக்குவரத்து சாதனமாகும் இதை மீண்டும் மீண்டும் பயன்படுத்தலாம். இந்த ஸ்டார்ஷிப் சாதனத்தில் 100 பேர் வரை செவ்வாய் கிரகத்துக்கு செல்லலாம். ஸ்டார்ஷிப் வாகனத்தில் இருக்கும் ஏவூர்தியை சூப்பர் ஹெவி ராக்கெட் என்று அழைக்கப்படுகிறது. விண்கலப்பகுதியை ஸ்டார்ஷிப் என்கிறார்கள். இந்த இரண்டும் சேர்ந்து 120 மீட்டர் உயரம் கொண்டதாக இருக்கும். இவ்வாறு இருக்கும் இந்த ஸ்டர்ஷிப்பை ‘டெஸ்லா மற்றும் ட்விட்டருக்கு தலைமை தாங்கும் எலான் மஸ்க்’ வருகின்ற மார்ச் மாதம் செவ்வாய் கிரகத்திற்கு செலுத்த உள்ளதாக தெரிவித்துள்ளார்.