The GOAT First Single : விஜய் நடிக்கும் 'தி கோட்' படத்தின் முதல் பாடல் வெளியீடு

இந்நிலையில் தமிழ் புத்தாண்டை முன்னிட்டு, தி கோட் படத்தின் முதல் பாடலான ‘விசில் போடு’ தற்போது (The GOAT First Single) வெளியாகியுள்ளது. நடிகர் விஜய் இந்தப் பாடலைப் பாட, மதன் கார்க்கி பாடல் வரிகளை எழுதியுள்ளார். கடந்த ஆண்டு வெளியான லியோ படத்தின் நான் ரெடி பாடல் விஜய்யின் அரசியல் பிரவேசத்தை குறித்தது. அதேபோல் இந்த முறையும் விசில் பாடல் வெளியாகியுள்ளது. ‘பார்ட்டி ஒன்னு தொடங்கட்டுமா’ என்கிற முதல் வரியிலேயே விஜய்யின் அரசியல் பாடலில் பிரதிபலிக்க ஆரம்பித்துவிட்டது. மேலும் இந்தப் பாடலில் விஜய்யுடன் பிரபுதேவா, பிரசாந்த் உள்ளிட்டோர் இடம்பெற்றுள்ளனர். மூன்று நடிகர்களும் அற்புதமான நடனக் கலைஞர்கள் என்பதால் இந்தப் பாடலின் வீடியோ ரசிகர்களு விருந்தாக அமைந்துள்ளது.

இந்த பாடலில் விஜய்யை பார்க்காமல் வேறு லெவலில் ஆட்டம் போடுகிறார் பிரபுதேவா. அவருக்கு அடுத்தபடியாக விஜய் வெறித்தனமாக நடனமாடுகிறார் என்றால், நடன இயக்குனர் ராஜு சுந்தரம் மாஸ்டர் அவருக்கு அடுத்தபடியாக பிரசாந்தின் நிலையைப் பற்றி கொஞ்சம் யோசித்திருக்கலாம். இருப்பினும், பிரசாந்த் நல்லாவே டஃப் கொடுத்து விஜய் மற்றும் பிரபுதேவா ஆகியோருக்கு மேட்ச் செய்து ஆட்டத்தை வெளிப்படுத்துவது நிச்சயம் பாராட்டப்பட வேண்டிய ஒன்று. அப்படிப்பட்ட மூன்று மல்டி ஸ்டார்களை ஒரே பிரேமில் கொண்டு வந்து மக்களிடம் காட்டியுள்ளார் வெங்கட் பிரபு. இந்த பாடல் தற்போது இணையத்தில் வைரலாகி வருகிறது.