Aadujeevitham First Day Box Office Collection : ஆடுஜீவிதம் படத்தின் முதல்நாள் பாக்ஸ் ஆபீஸ் வசூல்
ஆடுஜீவிதம் படம் தமிழ், தெலுங்கு, மலையாளம், ஹிந்தி என அனைத்து மொழிகளிலும் நல்ல வரவேற்பை பெற்று வருகிறது. இந்நிலையில் வசூல் நிலவரம் பற்றிய தகவல் வெளியாகியுள்ளது. மலையாள இயக்குனர் பிளெஸ்ஸி இயக்கத்தில், பிருத்விராஜின் ஆடு ஜீவிதம் திரைப்படம் மார்ச் 28 அன்று திரையரங்குகளில் வெளியானது. இப்படத்திற்கு ஏ.ஆர்.ரகுமான் இசையமைத்துள்ளார். இப்படம் வெளியாகி ரசிகர்களின் பாராட்டைப் பெற்று வருகிறது. இந்தப் படத்தை இயக்க இயக்குனர் பிளெஸ்ஸி 14 ஆண்டுகள் காத்திருந்தார்.
மேலும் நடிகர் பிருத்விராஜ் தனது உடல் எடையை குறைத்து படத்திற்காக கடுமையாக உழைத்துள்ளார். இப்படத்தில் பிருத்விராஜின் நடிப்பு ரசிகர்களை அதிகம் கவர்ந்துள்ளது. ஒவ்வொரு காட்சியிலும் அவரது உணர்ச்சி மற்றும் உடல் மொழி நடிப்பிற்காக ரசிகர்கள் அவரை பாராட்டி வருகின்றனர். ஆடுஜீவிதம் படத்தின் முதல் நாள் வசூல் (Aadujeevitham First Day Box Office Collection) குறித்த தகவல் தற்போது வெளியாகியுள்ளது.
ஆடுஜீவிதம் மையக்கருத்து :
நஜீப் முகமது (பிரித்விராஜ்) மற்றும் அவரது நண்பர் ஹக்கீம் ஆகியோர் எப்படியாவது வெளிநாட்டில் வேலை செய்து கொஞ்சம் பணம் சம்பாதிக்க வேண்டும் என்ற சிறு ஆசையுடன் செழிப்பான சொந்த ஊரையும் அவரது கர்ப்பிணி மனைவி சைனியையும் விட்டு சவுதி அரேபியாவுக்கு செல்கிறார்கள். சவுதி சென்றதும் அவளை அழைத்துச் செல்ல ஏஜெண்ட் யாரும் வராமல் தவிக்கிறார்கள். அப்போது ஏஜெண்ட் போல் செயல்படும் ஒருவரிடம் சிக்கி ஆடு, ஒட்டகம் மேய்க்கும் அடிமையாக பாலைவனத்தில் சிக்கிக் கொள்கிறார்கள். சில நாட்களுக்குப் பிறகு, தான் பேசுவதைப் புரிய வைக்க முடியாமல், எதிரில் இருப்பவரின் மொழி புரியாமல் அடிமையாக இருப்பதை நஜீப் உணர்கிறார். நஜீப் முகமது இந்த பாலைவனத்தில் இருந்து மீண்டு வந்த கதையை ஆடுஜீவிதம் மிகவும் உணர்ச்சிகரமாக சொல்கிறது.
ஆடுஜீவிதம் முதல்நாள் பாக்ஸ் ஆபீஸ் வசூல்(Aadujeevitham First Day Box Office Collection)
இப்படம் அனைத்து தரப்பு ரசிகர்களிடையேயும் பெரும் எதிர்பார்ப்பை ஏற்படுத்தியுள்ளது. வேலை நாளில் படம் வெளியானாலும் நல்ல வசூலை ஈட்டி வருகிறது. ஆடுஜீவிதம் திரைப்படம் இந்தியாவில் முதல் நாளில் ரூ 7.45 கோடி வசூலித்துள்ளதாக சாக்னிக் தளம் தகவல் தெரிவித்துள்ளது. முதல் மூன்று காட்சிகளைக் காட்டிலும் இரவுக் காட்சிக்கு ரசிகர்களின் வருகை அதிகரித்துள்ளதாக அந்தத் தளம் தகவல் வெளியிட்டுள்ளது. அடுத்து வரவிருக்கும் விடுமுறை நாட்களில் இந்த வசூல் இரட்டிப்பாகும் என எதிர்பார்க்கப்படுகிறது.
Latest Slideshows
-
A Journey Of Ten Thousand Miles : பத்தாயிரம் மைல் பயணம் புத்தக விமர்சனம்
-
Investigations in Hydrothermal Sulfide Systems in Ocean : கடலின் ஆழத்தில் ஒளிந்திருக்கும் Hydrothermal Sulphide பற்றிய ஆய்வுகள்
-
Intetesting Facts about Chameleons: பச்சோந்திகள் பற்றிய சில சுவாரசியமான தகவல்கள்
-
SP Balasubrahmanyam Road : மறைந்த பாடகர் எஸ்.பி.பாலசுப்ரமணியம் பெயரில் சாலை திறப்பு
-
Valentine's Day 2025 : காதலர் தினம் வரலாறும் & கொண்டாட்டமும்
-
SBI Special Officer Recruitment 2025 : எஸ்பிஐ வங்கியில் 42 காலிப்பணியிடங்கள் டிகிரி முடித்தவர்கள் விண்ணப்பிக்கலாம்
-
Success Story Of Grand Sweets : கிராண்ட் ஸ்வீட்ஸ் & ஸ்நாக்ஸ் நிறுவனத்தின் வெற்றிக் கதை
-
Thaipusam 2025 : தைப்பூசம் வரலாறும் கொண்டாடும் முறையும்
-
NASA Plans To Two Satellites : சூரியனை ஆய்வு செய்ய ஸ்பெரெக்ஸ் மற்றும் பஞ்ச் என்ற இரு செயற்கைகோளை அனுப்ப நாசா திட்டமிட்டுள்ளது
-
Passion Fruit Benefits In Tamil : பேஷன் பழத்தை சாப்பிடுவதால் கிடைக்கும் ஆரோக்கிய நன்மைகள்