Beedi Worker Daughter's Success : பீடி சுற்றும் தொழிலாளி மகளின் விடாமுயற்சியின் வெற்றி

ஸ்ரீமதி இம்பா ஸ்டெல்லா தென்காசி மாவட்டம் செங்கோட்டை அருகே உள்ள விஸ்வநாதபுரம் அம்பேத்கர் தெருவை சேர்ந்த சீனிவாசன் என்னும் பீடி சுற்றும் தொழிலாளியின் மகள் ஆவார். சீனிவாசன் மிகுந்த வறுமையான சூழ்நிலையிலும் தனது மகளை படிக்க வைத்துள்ளார். ஏழ்மையான சூழலில் தொடங்கி வசதியில்லாத வீட்டிலிருந்தே படித்த ஸ்ரீமதி இம்பா ஸ்டெல்லா தனது 3வது முயற்சியில் வெற்றி பெற்று தனது கனவை நனவாக்கியிருக்கிறார். கணினி படிப்பில் பட்டம் பெற்ற ஸ்ரீமதி இம்பா ஸ்டெல்லா தற்போது கோவை மண்டல PF அலுவலகத்தில் இளநிலை உதவியாளராக பணியாற்றி வருகிறார்.

ஸ்ரீமதி இம்பா ஸ்டெல்லா தனக்கு நேரம் கிடைக்கும் போதெல்லாம் மத்திய அரசு பணிகளுக்கான Upsc Civil Service Exam-க்கு தயாராகி தற்போது தேர்வில் வெற்றி (Beedi Worker Daughter’s Success) பெற்று இருக்கிறார். தேசிய அளவில் இவர் 851வது இடத்தைப் பெற்றிருக்கும் இவர் பணி ஒதுக்கீடு பெற்றதும் பணியில் சேர இருக்கிறார். அவருக்கு வாழ்த்துகள் ஆனது குவிந்த  வண்ணம் உள்ளது. சிவில் சர்வீஸ் வெற்றி தனக்கு மகிழ்ச்சிகரமானதாக இருப்பதாகவும்,  கடுமையாக முயற்சி செய்ததால் வெற்றி பெற முடிந்தது என்றும் வாழ்வில் முன்னேற வேண்டும் என்று வெறியோடு படித்தால் அனைவரும் எத்தகைய தேர்வாக இருந்தாலும் வெற்றி பெறலாம் எனவும் ஸ்ரீமதி இம்பா ஸ்டெல்லா கூறுகிறார்.