Billa Re-release : அஜித் நடித்த பில்லா ரீ ரிலீஸ்

பிளாக் பஸ்டர் ஹிட்டான ‘பில்லா’ திரைப்படம் நடிகர் அஜித்தின் பிறந்தநாளான மே 1 ஆம் தேதி மீண்டும் (Billa Re-release) வெளியாகும் என அறிவிக்கப்பட்டுள்ளது. தற்போது ரீ-ரிலீஸ் தமிழ் சினிமாவில் டிரெண்டாகி வருகிறது. கடந்த காலங்களில் வெளியாகி சூப்பர் ஹிட் ஆன படங்கள் தற்போது மீண்டும் வெளியாகி வருகிறது. அந்த படங்கள் இன்றைய ரசிகர்கள் மத்தியில் இவ்வளவு வரவேற்பை பெறுமா என்பது ஆச்சரியமாக இருந்தது. ஆனால் அந்த எண்ணங்கள் அனைத்தும் உடைந்து படம் மறுவெளியீட்டை மக்கள் கொண்டாடி வருகின்றனர்.

என்னதான் நட்சத்திர நடிகர்களின் பெரிய பட்ஜெட் படங்கள் அடுத்தடுத்து  வெளியாக இருந்தாலும் எத்தனை வருடங்கள் ஆனாலும் பழைய படங்கள் எவர்கிரீன் படங்களாகவே ரசிகர்களால் கொண்டாடப்படுகிறது. அந்த வகையில் வாரணம் ஆயிரம், சிவா மனசுல சக்தி, விண்ணைத்தாண்டி வருவாயா, 3 உள்ளிட்ட பல சூப்பர் ஹிட் படங்கள் திரையரங்குகளில் ரீ-ரிலீஸ் ஆகி நல்ல வரவேற்பை பெற்று எதிர்பார்த்ததை விட பல மடங்கு வசூல் செய்தது. நடிகர் விஜய் நடிப்பில் சமீபத்தில் வெளியான ‘கில்லி’ திரைப்படம் தரணியின் மறுவெளியீட்டை உலக அளவில் ரசிகர்கள் கொண்டாடினர். 20 ஆண்டுகளுக்குப் பிறகு மீண்டும் வெளியான இப்படம் தற்போது 20 கோடி வரை வசூலித்துள்ளதாக தகவல்கள் தெரிவிக்கின்றன.