Sakthivelan Congratulates Vijay : நடிகர் விஜய்க்கு விநியோகஸ்தர் சக்திவேலன் வாழ்த்து

இந்த வருடம் முன்னணி நடிகர்களின் படங்கள் வெளியானாலும் வசூல் நிலவரம் கேள்விக்குறியாகவே உள்ளது, ஆனால் விஜய்யின் கோட் படம் வசூல் ரீதியாக பெரிய அளவில் வெற்றி பெறும் என எதிர்பார்க்கப்படுகிறது. புதிய படங்கள் எதுவும் ரசிகர்களை தியேட்டருக்கு வரவழைக்காத நிலையில், மலையாளப் படங்கள் மட்டுமே ரசிகர்களை தியேட்டருக்கு வரவழைத்து வரும் நிலையில், கில்லி ரீ ரிலீஸாகி இதுவரை 17 கோடி ரூபாய் வசூலித்துள்ளதாக தகவல் வெளியாகியுள்ளது. தமிழகத்தில் மட்டும் கில்லி 10 கோடி ரூபாய்க்கு மேல் வசூல் செய்து சாதனை படைத்துள்ளதாக கூறப்படும் நிலையில், சக்தி ஃபிலிம் பேக்டரியின் விநியோகஸ்தர் சக்திவேலன, கோட் படப்பிடிப்பில் இருக்கும் நடிகர் விஜய்யை நேரில் சந்தித்து மிகப்பெரிய ரோஜா மலையை அவருக்கு அணிவித்து கில்லி படத்தின் ரீ ரிலீஸ் வெற்றிக்கு (Sakthivelan Congratulates Vijay) தனது பாராட்டுகளைத் தெரிவித்தார்.

மேலும், இது தான் நல்ல சமயம் என்று நினைத்து அவர், ஒரே ஒரு கோரிக்கை சார் என நடிகர் விஜய்யிடம் சினிமாவை விட்டு முழுவதுமாக விலக வேண்டாம் என கூறியுள்ளார். வருஷத்துக்கு ஒரு படமாவது பண்ணுங்க சார், வியாபாரத்துக்காக சொல்லல சார், தியேட்டருக்கு வந்து ரசிகர்களின் கொண்டாட்டத்தைப் பாருங்கள் என்று விஜய்யிடம் கோரிக்கை வைத்த வீடியோ ஒன்று தற்போது வெளியாகி ட்ரெண்டாகி வருகிறது. நடிகர் விஜய், சினிமாவைத் தாண்டி அரசியலுக்குச் சென்று மக்களுக்கு நன்மை செய்ய வேண்டும் என்ற நோக்கத்தில் தமிழக வெற்றிக் கழகத்தை உருவாக்கியுள்ளார். தளபதி 69 படத்தின் மூலம் சினிமாவுக்கு குட்பை சொல்லப் போவதாக அறிவித்துள்ள நிலையில், விஜய்யை தொடர்ந்து சினிமாவில் வைத்திருக்க திரையுலகம் போராடி வருகிறது. மேலும் கில்லி படத்தின் தயாரிப்பாளர் ஏ.எம். ரத்தினமும் விநியோகஸ்தர் சக்திவேலனுடன் வந்து விஜய்க்கு (Sakthivelan Congratulates Vijay)  நன்றி தெரிவித்துள்ளார்.