Dheena Re release Collection : தீனா, பில்லா முதல் நாள் பாக்ஸ் ஆபீஸ் வசூல்

ஏ.ஆர். முருகதாஸ் இயக்கத்தில் அஜித்குமார், லைலா, சுரேஷ் கோபி நடிப்பில் கடந்த 2001 ஆம் ஆண்டு வெளியான தீனா திரைப்படம் நேற்று அஜீத் குமாரின் பிறந்தநாளை முன்னிட்டு ரீ ரிலீஸ் செய்யப்பட்டது. அதேபோல் விஷ்ணுவர்தன் இயக்கத்தில் அஜித்குமார், நயன்தாரா, நமீதா, பிரபு உள்ளிட்டோர் நடித்துள்ள பில்லா படமும் நேற்று வெளியானது. 2 படங்களின் மொத்த முன்பதிவு 83 லட்ச ரூபாய் தான் இருந்ததாக தகவல் (Dheena Re release Collection) வெளியாகியுள்ளது. மேலும், இரண்டு படங்களின் முதல் நாள் வசூல் 1.5 கோடி கூட இல்லை என்றும் கூறப்படுகிறது. கில்லியின் ரீ-ரிலீஸ் வசூல் முதல் நாளிலேயே ரூ.4 கோடி வசூலை அள்ளிய அளவுக்கு 2 படங்களை பந்தயத்திற்கு விட்டும் கில்லி படத்தை நெருங்க முடியவில்லை. விஜய் பிறந்தநாளை முன்னிட்டு எல்லாம் கில்லி படம் வெளியாகவில்லை என விஜய் ரசிகர்கள் கலாய்த்து வருகின்றனர்.