Pushpa 2 First Single : புஷ்பா 2 படத்தின் ஃபர்ஸ்ட் சிங்கிள் வெளியீடு

நடிகர் அல்லு அர்ஜுன் நடிப்பில் உருவாகி வரும் புஷ்பா 2 படத்தின் ஃபர்ஸ்ட் சிங்கிள் (Pushpa 2 First Single) வெளியாகியுள்ளது. இப்படத்தின் படப்பிடிப்பு விறுவிறுப்பாக நடைபெற்று வரும் நிலையில், ஆகஸ்ட் 15 ஆம் தேதி படம் திரைக்கு வரும் என படக்குழு அறிவித்துள்ளது.

புஷ்பா :

நடிகர் அல்லு அர்ஜுன் நடிப்பில் கடந்த 2021 ஆம் ஆண்டு புஷ்பா திரைப்படம் வெளியானது. இந்த படம் தமிழ், இந்தி, தெலுங்கு, கன்னடம் ஆகிய மொழிகளில் பான் படமாக வெளியானது. ராஷ்மிகா மந்தனா, பஹத் பாசில், ஜெகதீஷ், சுனில், ராவ் ரமேஷ் மற்றும் பலர் இப்படத்தில் நடித்தனர். படத்தில், லாரி டிரைவராக இருந்த அல்லு அர்ஜுன், தனது எதிரிகள் அனைவரையும் தோற்கடித்து, செம்மரக்கடத்தலில் மன்னனாகவே மாறிவிட்டார். முதல் பாகத்தில் அல்லு அர்ஜுனின் உடல் மொழி, பேச்சு என சும்மா தரமாக இருந்தது. இப்படம் உலகம் முழுவதும் 400 கோடிக்கு மேல் வசூல் செய்தது.

புஷ்பா 2 :

முதல் பாகத்தின் வெற்றிக்குப் பிறகு புஷ்பா-தி ரூல் படத்தின் இரண்டாம் பாகத்தின் படப்பிடிப்பு விறுவிறுப்பாக நடைபெற்று வருகிறது. படத்தின் ஃபர்ஸ்ட் லுக் போஸ்டரில், அல்லு அர்ஜுன் காளி வேடமணிந்து, காதில் கம்மல், வளையல் புடவை என ஆக்ரோஷமான காளியாகவே மாறியிருந்தார். இந்த போஸ்டர் இணையத்தில் வைரலாகி படத்தின் எதிர்பார்ப்பை அதிகரித்துள்ளது. இரண்டாம் பாகத்தில், அல்லு அர்ஜுன் சிண்டிகேட் தலைவராக ஆன பிறகு அதிரடி ஆக்‌ஷன் இடம்பெறும் என்று தெரிகிறது. முக்கியமாக அல்லு அர்ஜுனுக்கும் ஃபஹத் பாசிலுக்கும் இடையிலான மோதல் ஒரு தரமான அதிரடி விருந்தாக இருக்கும் என்று எதிர்பார்க்கப்படுகிறது. முதல் பாகத்தில் இருந்த நடிகர்களுடன் ஜெகபதிபாபு மற்றும் பிரகாஷ் ராஜ் ஆகியோர் இணைந்துள்ளனர்.

Pushpa 2 First Single :

முதல் பாகத்தில் ஸ்ரீவல்லி, ஊ சொல்ரியா மாமா, ஏய் சாமி பாடல்கள் பட்டிதொட்டி எங்கும் ஹிட்டடித்து படத்தின் வெற்றிக்கு வழிவகுத்தது, புஷ்பா 2 படத்தின் பாடல்கள் ரசிகர்களால் பெரிதும் எதிர்பார்க்கப்பட்ட நிலையில், புஷ்பா 2 படத்தின் ஃபர்ஸ்ட் சிங்கிள் (Pushpa 2 First Single) தற்போது வெளியாகியுள்ளது. புஷ்பா..புஷ்பா…புஷ்பா ராஜ் பாடல் வெளியாகியுள்ளது. இந்த பாடலுக்கு தேவி ஸ்ரீ பிரசாத் இசையமைத்துள்ளார், விவேகா வரிகளை எழுதியுள்ளார், நாகேஷ் அஷிஷ் மற்றும் தீபக் ப்ளூ இணைந்து பாடியுள்ளனர். இந்த பாடல் தற்போது இணையத்தில் வைரலாகி வருகிறது.