Game Changer Movie Jarakandi Song Release : கேம் சேஞ்சர் படத்தின் ஜரகண்டி பாடல் வெளியீடு

கார்த்திக் சுப்புராஜின் கதையை மையமாக வைத்து ஷங்கர் இயக்கத்தில் உருவாகியுள்ள படம் கேம் சேஞ்சர். இப்படத்தில் ராம் சரண் மற்றும் பாலிவுட் நடிகை கியாரா அத்வானி ஆகியோர் முக்கிய வேடத்தில் நடிக்கின்றனர். இப்படத்திற்கு தமன் இசையமைத்துள்ளார். தற்போது படத்தின் ஜரகண்டி என்ற முதல் பாடலை இயக்குனர் ஷங்கர் வெளியிட்டுள்ளார். ஜரகண்டி பாடலை அனந்த ஸ்ரீராம் எழுதியுள்ளார்.

இந்த பாடலை பஞ்சாபி பாடகர் தலேர் மெஹந்தி மற்றும் சுனிதி செளஹன் இணைந்து பாடியுள்ளனர். பிரபுதேவா பாடலுக்கு நடனம் அமைத்துள்ளார். வழக்கம் போல் ஷங்கரின் பிரம்மாண்ட கற்பனையில் இந்தப் பாடல் உருவாகியுள்ளது. பிரமாண்டமான செட்கள், ஆடை வடிவமைப்பு மற்றும் ராம் சரண் கியாரா அத்வானியின் குத்தாட்டம் ஆகியவற்றை பார்ப்பதற்கு அந்நியன் திரைப்படத்தின் அண்டங்காக்கா கொண்டக்காரி பாடலை இந்த பாடல் நினைவூட்டுகிறது.