MOU For Rs 535 Crore Investment : தமிழ்நாட்டில் Rs.535 கோடி முதலீடு செய்ய GHCL டெக்ஸ்டைல்ஸ் உறுதியளித்துள்ளது

MOU For Rs 535 Crore Investment :

முன்னணி நூல் உற்பத்தி நிறுவனமான GHCL டெக்ஸ்டைல்ஸ் லிமிடெட், தமிழ்நாட்டில் Rs.535 கோடி முதலீடு செய்ய (MOU For Rs 535 Crore Investment) உறுதியளித்துள்ளது. சமீபத்தில் நடந்த உலக முதலீட்டாளர்கள் கூட்டத்தில் GHCL டெக்ஸ்டைல்ஸ் நிறுவனம் தமிழகத்தில் ரூ.535 கோடி முதலீடு செய்ய அரசாங்கத்துடன் புரிந்துணர்வு ஒப்பந்தத்தில் (MoU) கையெழுத்திட்டுள்ளது. இந்த முதலீட்டுத் திட்டத்தால் புதுப்பிக்கத்தக்க ஆற்றல் திறன் 75 மெகாவாட்டாக அதிகரிக்கும். இந்த திறன் விரிவாக்கம் ஆனது புதுப்பிக்கத்தக்க எரிசக்தி துறையில் நிறுவனம் செய்த மொத்த முதலீடுகளை ரூ.1,035 கோடியாகக் கொண்டு செல்லும் என்று நிறுவனத்தின் அறிக்கையில் தெரிவிக்கப்பட்டுள்ளது.

GHCL நிறுவனம் - ஒரு குறிப்பு :

தமிழ்நாட்டில் GHCL நிறுவனம் நாகப்பட்டினம் மற்றும் திருப்போரூரில் உப்பு சுத்திகரிப்பு நிலையங்களைக் கொண்டுள்ளது. மேலும் தமிழ்நாட்டில் மதுரை, மணப்பாறை மற்றும் குஜராத்தில் வல்சாத் ஆகிய இடங்களில் GHCL நிறுவனம் அதன் ஜவுளி அலகுகளைக் கொண்டுள்ளது. 2018-ல் GHCL-ன் நுகர்வோர் தயாரிப்புப் பிரிவு ஆனது (CPD) i-FLO மசாலாப் பொருட்கள் (Sachet-களில்) மற்றும் i-FLO ஸ்பைசஸ் காம்போவை சந்தையில் அறிமுகப்படுத்தியது. 2002 ஆம் ஆண்டில் GHCL நிறுவனமானது Det Norske Veritas India வழங்கிய ISO 14001 மற்றும் ISO 9002 சான்றிதழைப் பெற்றுள்ளது. உலகளவில் GHCL நிறுவனத்தின் வீட்டு ஜவுளி தயாரிப்புகள் முதன்மையாக ஏற்றுமதி செய்யப்படுகின்றன. GHCL- மதிப்புமிக்க வாடிக்கையாளர்களில் பெட் பாத் & பியோண்ட், கோல்ஸ், ஜேசி பென்னி, டிஜேஎக்ஸ் குரூப், க்யூவிசி, காஸ்பர், கெர்பர், பர்ட்ஸ் பீஸ், ரெவ்மேன் இன்டர்நேஷனல் மற்றும் அமெரிக்காவில் உள்ள சிஎச்எஃப் இண்டஸ்ட்ரீஸ் ஆகியவை அடங்கும்.

GHCL-ன் டெக்ஸ்டைல்ஸ் இயக்குநர் ஆர்.எஸ்.ஜலான் உரை :

GHCL-ன் டெக்ஸ்டைல்ஸ் இயக்குநர் ஆர்.எஸ்.ஜலான், தமிழ் மாநிலம் மற்றும் இந்தியாவின் வளர்ச்சிப் பயணத்தின் ஒரு பகுதியாக இருப்பது எங்களின் பெருமையாகும். GHCL-ன் வருவாயில் நீடித்த விரிவாக்கத்தின் மூலம் எங்கள் பங்குதாரர்களுக்கு தொடர்ந்து மதிப்பை வழங்குவதற்கான எங்களின் வாக்குறுதிக்கு உறுதிப்பாட்டுடன் இந்த முதலீடுகள் ஒத்துப்போகின்றன. இதனால் எங்கள் மதிப்பு கூட்டப்பட்டு உயர்மட்ட தொழில்துறை தலைவர்கள் மத்தியில் எங்களை நன்றாக நிலைநிறுத்துகிறது.

இனி அடுத்து வரும் நான்கு ஆண்டுகளில், திறன்களை விரிவுபடுத்துதல், தயாரிப்புகளை பல்வகைப்படுத்துதல், பின்னப்பட்ட மற்றும் நெய்யப்பட்ட முடிக்கப்பட்ட துணிகளை உள்ளடக்கிய ஜவுளி உற்பத்தியை செங்குத்தாக ஒருங்கிணைத்தல் மற்றும் பசுமை எரிசக்தி இலாகாவை அதிகரித்தல் ஆகியவற்றிற்கு முதலீடுகள் ஒதுக்கப்படும் என்று கூறினார். GHCL நிறுவனம் 535 கோடி ரூபாய் வரையிலான முதலீட்டிற்கு தமிழக அரசுடன் புரிந்துணர்வு ஒப்பந்தத்தில் (MOU For Rs 535 Crore Investment) கையெழுத்திடுவதாக அறிவித்ததை அடுத்து, GHCL டெக்ஸ்டைல்ஸ் லிமிடெட் பங்குகள் 12%-க்கும் அதிகமாக லாபம் பெற்றன.