Sangeetha Kalanidhi 2024 Award : கலைஞர் டி.எம்.கிருஷ்ணா ‘சங்கீத கலாநிதி’ விருதுக்கு தேர்வாகியுள்ளார்

டி.எம்.கிருஷ்ணா என்ற பிரபல பாடகர் 2024ல் தனது இசைக்காக சிறப்பு விருதை (Sangeetha Kalanidhi 2024 Award) பெற உள்ளார். இந்த விருதை சென்னை மியூசிக் அகாடமி வழங்கவுள்ளது. முதலமைச்சர் மு.க.ஸ்டாலின் இசை கலைஞர் டி.எம்.கிருஷ்ணாவுக்கு வாழ்த்துகளையும் பாராட்டுகளையும் தெரிவித்துள்ளார். ஒவ்வொரு ஆண்டும் சென்னையில் கர்நாடக சங்கீதத்தின் மரியாதைக்குரிய அமைப்பாகத் திகழும் தி மியூசிக் அகாடமி ஆனது கர்நாடக இசையில் சிறந்த இசைக் கலைஞர்களைத் தேர்வுசெய்து சங்கீத கலாநிதி, சங்கீத கலா ஆச்சார்யா, டிடிகே விருது, மியூசிகாலஜிஸ்ட் விருது, நிருத்ய கலாநிதி என பல்வேறு விருதுகளை வழங்கி வருகிறது. அதன்படி, இந்த ஆண்டு,

• சங்கீத கலாநிதி விருது – டி.எம். கிருஷ்ணா
• டிடிகே விருது – திருவையாறு சகோதரர்கள், ஹெச்.கே. நரசிம்மமூர்த்தி
• மியூசிகாலஜிஸ்ட் விருது – டாக்டர் மார்க்ரெட் பாஸின்
• நிருத்ய கலாநிதி விருது – டாக்டர் நீனா பிரசாத்
• சங்கீத கலா ஆச்சார்யா விருது – கீதா ஆச்சார்யா மற்றும் பேராசிரியர் பரசால ரவி

ஆகியோருக்கு வழங்கப்படுவதாக மார்ச் 17ஆம் தேதி அறிவிக்கப்பட்டது. இசைக் கலைஞர் டி.எம் கிருஷ்ணா தனது கர்நாடக இசை நிகழ்ச்சிகளில் சமூக கருத்துக்களையும் மற்றும் மத நல்லிணக்கத்தையும் வலியுறுத்தி வருகிறார். சென்னை மியூசிக் அகாடமி ஆனது இசைக் கலைஞர் டி.எம் கிருஷ்ணாவின் இந்த செயலை பாராட்டி சென்னை மியூசிக் அகாடமி சார்பில் 2024-ம் ஆண்டு சங்கீத கலாநிதி விருதுக்கு (Sangeetha Kalanidhi 2024 Award) டி.எம்.கிருஷ்ணாவை தேர்வு செய்துள்ளது. ‘சங்கீத கலாநிதி’ விருதுக்கு தேர்வாகியுள்ள டி.எம்.கிருஷ்ணா இந்தாண்டு நடைபெறும் மியூசிக் அகாடமியின் 98 ஆவது ஆண்டு மாநாட்டை தலைமை தாங்குவார்.