Whistle Podu : மாஸ் காட்டிய விசில் போடு பாடல்

இந்நிலையில், படத்தின் முதல் பாடலான Whistle Podu பாடலை ஏப்ரல் 14 ஆம் தேதி வெளியிட்டது. மதன் கார்க்கியின் வரிகளில் இந்த பாடலை நடிகர் விஜய் பாடியுள்ளார். இந்தப் பாடலின் வரிகள் விஜய்யின் அரசியல் வருகையை முழுமையாக வெளிப்படுத்தும் வகையில் அமைந்திருந்தது. இந்த பாடல் எதிர்பார்த்த அளவிற்கு இல்லை என ரசிகர்கள் கலவையான விமர்சனங்களை கொடுத்து வரும் நிலையில், பாடல் வரிகள் அடங்கிய வீடியோ காட்சிகள், விஜய், பிரபுதேவா, பிரசாந்த் என மூவரும் டான்ஸ் ஆடுவது அட்டகாசமான காட்சி என கூறி வருகின்றனர். இந்நிலையில் Whistle Podu பாடல் மிகப்பெரிய சாதனையை படைத்துள்ளது.

அதன்படி தென்னிந்திய சினிமாவில் 24 மணி நேரத்தில் அதிக பார்வையாளர்களை கடந்த பாடல் என்ற சாதனையை படைத்துள்ளது. Whistle Podu பாடல் சுமார் 25.5 மில்லியன் பார்வைகளைப் பெற்றுள்ளது. இதற்கு முன், 2022 ஆம் ஆண்டு விஜய் நடித்த பீஸ்ட் படத்தின் அரபிக்குத்து பாடல் 23.77 மில்லியன் பார்வைகளுடன் இதுநாள் வரை முதலிடத்தில் இருந்தது. Whistle Podu அதை பின்னுக்கு தள்ளியுள்ளது. மேலும் மகேஷ் பாபுவின் குண்டூர் காரம் படத்தில் இடம்பெற்ற தம் மசாலா பாடல் 17.42 மில்லியன் பார்வைகளுடன் 3வது இடத்தில் உள்ளது. விஜய்யின் வாரிசு படத்தின் ரஞ்சிதமே பாடல் 16.68 மில்லியன் பார்வைகளுடன் 4வது இடத்திலும், லியோவின் நான் ரெடி பாடல் 16.54 மில்லியன் பார்வைகளுடன் 5வது இடத்திலும் உள்ளன. இதனால் தென்னிந்திய சினிமாவின் ராஜாவாக விஜய் மாறிவிட்டார் என்று ரசிகர்கள் தெரிவித்து வருகின்றனர்.