World's Largest Telecommunications Company ஆக ரிலையன்ஸ் ஜியோ மகுடம் சூடியுள்ளது

1958 இல் திருபாய் அம்பானியால் நிறுவப்பட்ட ரிலையன்ஸ் குரூப் ஆஃப் இண்டஸ்ட்ரீஸ் இந்தியாவின் மிகப்பெரிய கூட்டு நிறுவனங்களில் ஒன்றாகும். இது தொலைத்தொடர்பு, பெட்ரோ கெமிக்கல்ஸ், சுத்திகரிப்பு, எண்ணெய் மற்றும் எரிவாயு ஆய்வு, ஊடகம் மற்றும் சில்லறை விற்பனை உள்ளிட்ட பல்வேறு துறைகளில் செயல்படுகிறது. தற்போது திருபாய் அம்பானியின் மகன் முகேஷ் அம்பானி தலைமையில் ரிலையன்ஸ் குரூப் ஆஃப் இண்டஸ்ட்ரீஸ் உள்ளது. ரிலையன்ஸ் தனது ஆதிக்கத்தை இந்திய தொலைத்தொடர்பு துறையில் நிலைநிறுத்திய பிறகு, ரிலையன்ஸ் ஜியோ தரவு நுகர்வு அடிப்படையில் புதிய உலகளாவிய சாதனையை (World’s Largest Telecommunications Company) படைத்துள்ளது. உலகின் நம்பர் ஒன் நிறுவனமாக டேட்டா டிராஃபிக்கில் ஜியோ ரிலையன்ஸ் மாறியுள்ளது. ஜியோ ஆனது நெட்வொர்க்கில் மொத்த ட்ராஃபிக் 40.9 எக்ஸாபைட்களை எட்டியுள்ளது. இது ஆண்டுக்கு ஆண்டு 35.2% அதிகரிப்பைக் குறிக்கிறது.

World's Largest Telecommunications Company - டிஃபீஷியன்ட் நிறுவனத்தின் அறிக்கை :

சீனா மொபைலை விஞ்சி இந்தியாவின் ரிலையன்ஸ் ஜியோ ஆனது டேட்டா டிராஃபிக்கில் உலகின் மிகப்பெரிய டெலிகாம் ஆபரேட்டராக (World’s Largest Telecommunications Company) மாறியுள்ளது. இந்தத் தகவலை உலகெங்கிலும் உள்ள டெலிகாம் நிறுவனங்களின் டேட்டா ட்ராஃபிக் மற்றும் வாடிக்கையாளர் தளத்தை கண்காணிக்கும் டிஃபீஷியன்ட் நிறுவனம் தனது அறிக்கையில் தெரிவித்துள்ளது.

கடந்த காலாண்டில் ரிலையன்ஸ் ஜியோ ஆனது மொத்த டேட்டா டிராஃபிக் 40.9 எக்சாபைட்டுகளாக பதிவு செய்யதுள்ளது.
டேட்டா டிராஃபிக்கில் இதுவரை உலகின் நம்பர் ஒன் நிறுவனமாக இருந்த சைனா மொபைல், இரண்டாவது இடத்திற்கு தள்ளப்பட்டுள்ளது. சைனா மொபைல் அதன் நெட்வொர்க்கில் தரவு நுகர்வு காலாண்டில் 40 எக்சாபைட்டுகளுக்கும் குறைவாகவே இருந்தது.
சீனா டெலிகாம் என்ற மற்றொரு சீன நிறுவனமான தரவு நுகர்வு அடிப்படையில் மூன்றாவது இடத்தில் உள்ளது.
இந்தியாவின் ஏர்டெல் நிறுவனமானது நான்காவது இடத்தில் உள்ளது.

ஜியோவின் டேட்டா டிராஃபிக் அதிகரிப்பின் காரணம் :

28% போக்குவரத்து ஆனது 5G சந்தாதாரர்களிடமிருந்து வருவதால், 5G மற்றும் வீட்டுச் சேவைகள் அதிகரித்து வருவதே இந்த எழுச்சிக்கு முக்கிய காரணம் ஆகும்.
தரவு போக்குவரத்து அதிகரிப்புக்கு ஜியோவின் நிலையான வயர்லெஸ் அணுகல் (FWA) சேவைகள் குறிப்பிடத்தக்க பங்களிப்பை வழங்கியுள்ளன.
கோவிட்-19 தொற்றுநோய்க்குப் பிறகு, வருடாந்திர தரவுப் போக்குவரத்தில் 4 மடங்கு அதிகரிப்பு காணப்படுகிறது.
தனிநபர் மாதாந்திர தரவு பயன்பாடும் மூன்று ஆண்டுகளுக்கு முன்பு வெறும் 13.3 ஜிபியிலிருந்து தற்போது 28.7 ஜிபி வரை எட்டி உள்ளது.

ஜியோவின் செயல்பாடு குறித்து முகேஷ் அம்பானியின் கருத்து :

முகேஷ் டி அம்பானி, நிறுவனத்தின் செயல்பாடு மற்றும் இந்தியப் பொருளாதாரத்தில் அதன் பங்களிப்பு குறித்து திருப்தி தெரிவித்தார்.
இந்த ஆண்டு, ரிலையன்ஸ், வரிக்கு முந்தைய லாபத்தில், 100,000 கோடி ரூபாயைத் தாண்டிய முதல் இந்திய நிறுவனம் என்ற குறிப்பிடத்தக்க சாதனை செய்துள்ளது.
அனைத்துப் பிரிவுகளும் வலுவான நிதி மற்றும் செயல்பாட்டு செயல்திறனைப் பதிவு செய்துள்ளது.
2ஜி பயனர்களை ஸ்மார்ட்போன்களாக மேம்படுத்தி உள்ளது.
AI-உந்துதல் தீர்வுகளை தயாரிப்பதில் முன்னணியில் உள்ளது.
இந்தியாவில் டிஜிட்டல் மாற்றத்தை இயக்குவதில் ஜியோவின் பங்களிப்பு உள்ளது.
ஜியோவின் நிலையான வயர்லெஸ் ஹோம் பிராட்பேண்ட் சேவையான AirFiber, 5,900 நகரங்களில் அதிக காலாண்டு இணைப்புகளைப் பெற்று, வலுவான தேவையைப் பெற்றுள்ளது.
குறிப்பிடத்தக்க வகையில் AirFiber சந்தாதாரர்கள் தினசரி சராசரியாக 13 ஜிகாபைட் டேட்டாவைப் பயன்படுத்துவது.