ISRO Successfully Launched Pushpak Rocket : PUSHPAK என்ற SUV ரியூசபிள் ராக்கெட் வெற்றிகரமாக சோதனை செய்யப்பட்டது

இஸ்ரோ (ISRO) நேற்று புஷ்பக் (PUSHPAK) என்ற SUV கார் சைஸ் அளவே ஆன ரியூசபிள் ராக்கெட்டை வெற்றிகரமாக தரையிறக்கி சோதனை (ISRO Successfully Launched Pushpak Rocket) செய்து முடித்துள்ளது. இஸ்ரோ மீண்டும் ஒரு மகத்தான வெற்றியை பதிவு செய்துள்ளது. இந்த வெற்றியை நாசா (NASA) ஸ்பேஸ்எக்ஸ் (SpaceX) போன்ற நிறுவனங்கள் வியந்து திரும்பி பார்த்துள்ளன. புஷ்பக் விமான சோதனை பற்றிய முழு விவரங்களை பார்க்கலாம்.

புஷ்பக் (PUSHPAK) என்று அழைக்கப்படும் விமான ராக்கெட்டை கொண்ட வாகனம் இந்திய விமானப்படையின் சினூக் ஹெலிகாப்டர் மூலம் நடுவானில் 4.5 கி.மீ உயரத்தில் இருந்து நேற்று விடுவிக்கப்பட்டது. கர்நாடகாவில் உள்ள ஓடுபாதையில் இருந்து 4 கி.மீ தொலைவில் நடு வானில் விடுவிக்கப்பட்ட புஷ்பக் கிராஸ் ரேஞ்ச் திருத்தங்களுடன் ஓடுபாதையை அணுகியது. எதிர்பார்த்ததை விட மிகவும் துல்லியமாக இந்த புஷ்பக்  ராக்கெட் (ISRO Successfully Launched Pushpak Rocket) தரையிறங்கியது. இந்த புஷ்பக் சோதனை புஷ்பக்கின் மூன்றாவது விமான சோதனையாகும். இது மிகவும் சிக்கலான சூழ்நிலைகளில் அதன் ரோபோ தரையிறங்கும் திறனை சோதிக்கும் ஒரு பகுதியாக சோதனை செய்யப்பட்ட மிக முக்கியமான சோதனையாகும் என்று இஸ்ரோ தெரிவித்துள்ளது. இந்த சோதனை முயற்சியில் பல விஷயங்களை இஸ்ரோ ஒரே நேரத்தில் சோதனை செய்துள்ளது என்பது குறிப்பிடத்தக்கது.