Pathirana Returns : குட்டி மல்லிங்கா மதிஷா பத்திரனா ரிட்டர்ன்

கான்வே மீண்டும் கிரிக்கெட் மைதானத்திற்கு வர இன்னும் 6 வாரங்கள் இருக்கும் என்றும் தெரிவிக்கப்பட்டுள்ளது. இதேபோல், சிஎஸ்கேயின் டெத் ஓவர் ஸ்பெஷலிஸ்ட் பத்திரனாவும் காலில் ஏற்பட்ட காயம் காரணமாக ஆட்டங்களின் முதல் பாதியை இழக்க நேரிடும் என்று கூறப்படுகிறது. ஆனால் பங்களாதேஷ் டி20 தொடரின் போது காயமடைந்த பத்திரனா உடனடியாக சிகிச்சைக்காக இலங்கை திரும்பினார். அவர் பந்துவீசுவது போன்ற வீடியோக்கள் சமூக வலைதளங்களில் வெளியானதால், பத்திரனாவுக்கு இலங்கை கிரிக்கெட் வாரியம் என்ஓசி சான்றிதழ் வழங்கவில்லை என்று கூறப்பட்டது.

காயத்தில் இருந்து முழுமையாக குணமடைந்த பத்திரனா தற்போது விமானம் மூலம் சென்னை வந்துள்ளார். அவர் நாளை சிஎஸ்கே அணியுடன் பயிற்சியில் (Pathirana Returns) ஈடுபடுவார் என எதிர்பார்க்கப்படுகிறது. கடந்த சீசனில், பத்திரனா சிஎஸ்கேயின் டெத் ஓவர் ஸ்பெஷலிஸ்ட் மற்றும் தோனியின் செல்லப்பிள்ளையாக உருவெடுத்தார். இதனால் இந்த சீசனில் பத்திரனா நேரடியாக சிஎஸ்கே விளையாடும் லெவனில் இடம் பெறுவார் என எதிர்பார்க்கப்படுகிறது. இதனால் குஜராத் அணிக்கு எதிராக மார்ச் 26-ம் தேதி சேப்பாக்கம் மைதானத்தில் சிஎஸ்கே விளையாடும் ஆட்டத்தில் முஷ்தாபிசுர் ரஹ்மான் இருப்பாரா என்ற சந்தேகம் எழுந்துள்ளது.