News

ஏப்ரல் 1, 2024 முதல் US Visa And H-1B தொடர்பான புதிய விதிகள்

US Visa And H-1B தொடர்பான பல புதிய முக்கிய விதிகள் ஏப்ரல் 1, 2024 முதல் நடைமுறைக்கு வந்துள்ளது :

அமெரிக்க அரசாங்கத்தின் நோக்கம் :

அமெரிக்க அரசாங்கத்தின் அமெரிக்க குடியுரிமை மற்றும் குடிவரவு சேவைகள் ஆனது (USCIS – U.S. Citizenship And Immigration Services) H-1B பதிவு செயல்முறையை (US Visa And H-1B) மேம்படுத்தவும் மற்றும் மோசடிக்கான வாய்ப்பைக் குறைக்கவும் பல நடவடிக்கைகளை எடுத்துள்ளது. இந்த USCIS ஆனது குடியேற்ற அமைப்பை நிர்வகிக்கிறது. மேலும் இந்த USCIS ஆனது முதலாளிக்கும் பணியாளருக்கும் இடையே நெகிழ்வுத்தன்மையைக் கொண்டு வருகிறது.

H-1B பதிவு மற்றும் தாக்கல் செயல்முறைக்கான 2024-ன் புதிய விதிகள் :

புதிய விசாக் கட்டண அட்டவணை ஆனது H-1B, L-1 மற்றும் EB-5 விசா வகைகளின் விலையை பாதிக்கும். இவை புலம்பெயர்ந்தோர் அல்லாத விசா வகைகள் ஆகும்.

ஏப்ரல் மாதத்தில் இருந்து H-1B பதிவுக்கான செலவு மற்றும் படிவம் I-129க்கான மனு தாக்கல் கட்டணம் கணிசமாக உயரும்.
H-1B பதிவு செயல்முறை கட்டணம் ஆனது $10 -லிருந்து $215-ஆக உயர்த்தப்படும். இது 2,050% அதிகரிப்பு ஆகும்.
படிவம் I-129 க்கான மனு தாக்கல் கட்டணம் $780 ஆகும். படிவம் I-129 H-1B மனு தாக்கல் கட்டணம் ஆனது H-1B பதிவுக்கட்டணத்தை காட்டிலும் கூடுதல் ஆகும்.
H-1B விசா வழங்கப்பட்டால், அந்த பயனாளி அமெரிக்காவிற்குள் நுழைய மற்றும் பயன்படுத்த திட்டமிட்டுள்ள பாஸ்போர்ட் அல்லது பயண ஆவணம் பயனாளியிடம் இருக்க வேண்டும்.
ஒரு பாஸ்போர்ட் அல்லது பயண ஆவணத்தின் கீழ் ஒவ்வொரு பயனாளியும் பதிவு செய்யப்பட வேண்டும்.
USCIS சேவை மையங்கள் ஏப்ரல் 1, 2024 முதல் H-1B1 (HSC) வகைப்பாட்டைக் கோரும் படிவம் I-129 மனுக்களை ஏற்காது.
USCIS சேவை மையத்தில் ஏப்ரல் 1, 2024 அன்று அல்லது அதற்குப் பிறகு பெறப்பட்ட H-1B1 (HSC) மனுக்களை USCIS நிராகரிக்கும்.
ஏப்ரல் 1, 2024 முதல், H-1B1 (HSC) அல்லது H-1B வகைப்பாட்டைக் கோரும் அனைத்து காகிதப் படிவம் I-129 மனுக்களும்,

படிவம் I-907
படிவம் I-539
3.படிவம் I-765 என USCIS லாக்பாக்ஸ் வசதியில் தாக்கல் செய்யப்பட வேண்டும்.

ஏப்ரல் 1, 2024 முதல் ஜூன் 3, 2024 வரையிலான சலுகைக் காலத்தில் USCIS ஆனது சரியான கட்டணத்துடன் தாக்கல் செய்யப்பட்ட சில படிவங்களின் முந்தைய பதிப்புகளை ஏற்கும்.
உயர்த்தப்பட்ட கட்டணங்கள் மற்றும் புதிய விதிகள் ( US Visa And H-1B) ஆனது ஏப்ரல் 1, 2024 முதல் அமுலில் உள்ளது. இதன் மூலம் அமெரிக்க அரசாங்கம் சாத்தியமான துஷ்பிரயோகம் மற்றும் மோசடியைத் தடுக்க உள்ளது.