WhatsApp Will Introduce a New Feature : வாட்ஸ்அப் நிறுவனம் வெளிநாடுகளுக்குப் பணம் அனுப்பும் (UPI) வசதியைக் அறிமுகப்படுத்தவுள்ளது...!

இந்தியாவை தவிர்த்து வெளிநாடுகளுக்குப் பணம் அனுப்பும் (UPI) சேவையை  கூகுள் பே (Google Pay) மற்றும் போன்பே (Phone Pay) நிறுவனம் ஏற்கனவே அறிமுகம் செய்த நிலையில் தற்போது வாட்ஸ்அப் நிறுவனமும் வெளிநாடுகளுக்குப் பணம் அனுப்பும் (UPI) வசதியைக் (WhatsApp Will Introduce a New Feature) கொண்டுவர உள்ளதாக தகவல் வெளியாகியுள்ளது.

வாட்ஸ்அப் (WhatsApp) நிறுவனம் தற்போது சர்வதேச (UPI) பேமண்ட்களை மேற்கொள்ளும் வசதியை இந்தியப் பயனர்களுக்கு வழங்கும் பணிகளில் ஈடுபட்டு வருவதாக தகவல் வெளியாகியுள்ளது. இது தொடர்பாக ஸ்கிரீன்ஷாட்கள் சமீபத்தில் ஆன்லைனில் வெளியானது.

இந்த ஸ்கிரீன்ஷாட் மூலமாக புதிய வசதியானது யுபிஐ செட்டிங்ஸ் (UPI Settings) என்ற பக்கத்தில் இன்டர்நேஷனல் பேமண்ட்ஸ் (International Payments) எனும் ஆப்ஷனில் வழங்கப்பட உள்ளது என்பது தெரியவந்துள்ளது.  நீங்கள் இந்த விருப்பத்தை தேர்வு செய்வதற்கு முன் சர்வதேச யு.பி.ஐ. பேமண்ட் ஆப்ஷன் என்பதை முதலில் ஆக்டிவேட் செய்ய வேண்டும். அதன்பின் எவ்வளவு காலம் இது செயல்படுத்த வேண்டும் என்பதை தேர்வு செய்ய வேண்டும்.

கடந்த 2020-ஆம்  ஆண்டு தான் முதலில்  வாட்ஸ்அப் செயலியில் யுபிஐ பேமண்ட் சேவை அறிமுகம் செய்யப்பட்டது. பிறகு  இதில் 140-க்கும் மேற்பட்ட வங்கிகளைப் பயன்படுத்த முடியும் என தெரிவிக்கப்பட்டது. தற்போது  வாட்ஸ்அப்பில் சர்வதேச யுபிஐ பேமண்ட் மேற்கொள்ளும் வசதி உருவாக்கப்பட்டு வருகிறது. 

மேலும் இந்த சர்வதேச யுபிஐ பேமண்ட் (International Payments) வசதி தற்போது தேர்வு செய்யப்பட்ட பீட்டா பயனர்களுக்கு மட்டும் வழங்கப்பட்டுள்ளதாக வாட்ஸ்அப் நிறுவனம் தெரிவித்துள்ளது. மிக  கூடிய விரைவில் இந்த புதிய வசதி அனைத்து பயனர்களுக்கும் கிடைக்கும் என அந்நிறுவனம் கூறியுள்ளது.