KKR Victory : கொல்கத்தா அணி ஒரு ரன் வித்தியாசத்தில் த்ரில் வெற்றி

ஐபிஎல் கிரிக்கெட் தொடரில் 223 ரன்கள் எடுத்தால் வெற்றி என்ற இலக்கை துரத்திய ஆர்சிபி அணி ஒரு ரன் வித்தியாசத்தில் தோல்வியடைந்து தொடரில் (KKR Victory) இருந்து வெளியேறும் நிலைக்குத் தள்ளப்பட்டுள்ளது. RCB இதுவரை 7 போட்டிகளில் விளையாடி ஒரு வெற்றி மற்றும் 6 தோல்விகளை மட்டுமே சந்தித்துள்ளது. இதனால் எட்டாவது லீக் ஆட்டத்தில் விளையாடி வரும் ஆர்சிபி, பலம் வாய்ந்த கொல்கத்தா அணியை எதிர்கொண்டது. ஈடன் கார்டன் மைதானத்தில் நடைபெற்ற இப்போட்டியில் டாஸ் வென்ற ஆர்சிபி முதலில் பந்துவீச்சை தேர்வு செய்தது. இதையடுத்து களமிறங்கிய கேகேஆர் அணியின் தொடக்க ஆட்டக்காரர் பில் சால்ட் 48 ரன்களும், சுனில் நரைன் 10 ரன்களும், வெங்கடேஷ் ஐயர் 16 ரன்களும் எடுத்தனர். கேப்டன் ஸ்ரேயாஸ் 36 பந்துகளில் அரைசதம் அடித்து பெவிலியன் திரும்பினார். எனினும் இறுதியில் ரிங்கு சிங் 16 பந்துகளில் 24 ரன்களும், ஆன்ட்ரூ ரஸ்லே 20 பந்துகளில் 27 ரன்களும், ரமன்தீப் சிங் 9 பந்துகளில் 24 ரன்களும்பெற்று 20 ஓவர்கள் முடிவில் 6 விக்கெட் இழப்புக்கு 222 ரன்களும் பெற்றனர்.

இதையடுத்து 223 ரன்கள் எடுத்தால் வெற்றி என்ற கடினமான இலக்குடன் ஆர்சிபி களம் இறங்கியது. விராட் கோலி அதிரடியாக விளையாடி 7 பந்துகளில் 18 ரன்கள் சேர்த்தார். ஆனால், நடுவரின் தவறான முடிவால் ஆட்டம் இழந்தார். வில் ஜாக்ஸ் 32 பந்துகளில் 55 ரன்களும், தொடர் முழுவதும் போராடிய ரஜத் பட்டிதார் இன்றைய ஆட்டத்தில் 23 பந்துகளில் 52 ரன்களும் சேர்த்தனர். இதில் 5 இமாலய சிக்ஸர்கள் மற்றும் மூன்று பவுண்டரிகள் அடங்கும். பெரிதும் எதிர்பார்க்கப்பட்ட கேமரூன் கிரீன் 6 ரன்களில் வெளியேறி அதிர்ச்சி அளித்தார். இந்நிலையில் ஆர்சிபி அணியின் வெற்றிக்காக தினேஷ் கார்த்திக்கும், கரண் சர்மாவும் போராடினர்.